मुंबईत ७९१ नवे करोना रुग्ण पॉझिटिव्ह आढळले आहेत. तर २० जणांचा मृत्यू झाला आहे. त्यामुळे मुंबईतल्या करोनाग्रस्तांची संख्या १४ हजार ३५५ इतकी झाली आहे. आत्तापर्यंत ३ हजार ११० रुग्णांना डिस्चार्ज देण्यात आला आहे. मुंबईत आत्तापर्यंत करोनाची लागण होऊन ५२८ जणांचा मृत्यू झाला आहे. मुंबई महापालिकेने ही माहिती दिली आहे.

धारावीत ५७ नवे रुग्ण

धारावीत नवे ५७ रुग्ण पॉझिटिव्ह आढळले आहेत. त्यामुळे आता मुंबईतील धारावीतल्या करोना रुग्णांची संख्या ९१६ झाली आहे. आत्तापर्यंत धारावीत २९ जणांचा करोनामुळे मृत्यू झाला आहे. ही देखील माहिती मुंबई महापालिकेने दिली आहे.