News Flash

मोबाइलमधील गुगल सर्चमध्ये फेसबुक पोस्टही!

आता तुम्ही केलेली फेसबुक पोस्ट फेसबुक न वापरणाऱ्यांनाही गुगल सर्चच्या माध्यमातून दिसू शकणार आहे.

अल्फाबेट या गुगलच्याच सहकंपनीच्या प्रवक्त्याने नुकतेच हे स्पष्ट केले.

तुम्ही केलेली फेसबुक पोस्ट जर ‘पब्लिक’ या पर्यायावर असेल, तर ती यापुढे मोबाइलवरून केल्या जाणाऱ्या गुगल सर्चमध्येही दिसणार आहे. यापूर्वी फेसबुक प्रोफाइल गुगल सर्चमध्ये दिसत होत्या. मात्र आता प्रोफाइलसह पोस्टही सर्चमध्ये दिसू लागणार आहेत.
यामुळे आता तुम्ही केलेली फेसबुक पोस्ट फेसबुक न वापरणाऱ्यांनाही गुगल सर्चच्या माध्यमातून दिसू शकणार आहे. अल्फाबेट या गुगलच्याच सहकंपनीच्या प्रवक्त्याने नुकतेच हे स्पष्ट केले. हे केवळ अँड्रॉइड फोन्सवर दिसणार असल्याचेही त्यांनी स्पष्ट केले. यामध्ये जर गुगल सर्च करणाऱ्यांनी ‘पेट्रोल’ असा शब्द शोधला तर त्या संदर्भात असलेल्या सर्व फेसबुक पोस्ट व त्या पोस्ट करणाऱ्यांचे प्रोफाइल समोर येणार आहे. यापूर्वी जर आपण एखाद्या व्यक्तीचे नाव गुगलवर शोधले तर त्याच्या फेसबुक खात्याची लिंक आपल्याला सर्च पर्यायावर दिसायची. त्या लिंकवर आपण क्लिक केल्यावर आपण फेसबुक अ‍ॅपमध्ये न जाता फेसबुकच्या संकेतस्थळावर जायचे आणि तेथे आपल्याला त्या व्यक्तीचे प्रोफाइल पानच दिसायचे. पण आता त्या व्यक्तीने केलेल्या पोस्टही दिसू लागणार आहेत. फेसबुकच्या सेटिंगमध्ये आपण आपले प्रोफाइल, पोस्ट या सर्वाना दिसाव्यात असा पर्याय निवडला असेल तर त्या पोस्ट गुगल सर्चमध्ये दिसणार आहेत. गुगलने नुकतेच ट्विटरसोबत करार केला असून, तेव्हापासून सर्चमध्ये ट्वीट्स दिसणे शक्य झाले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 18, 2015 12:34 am

Web Title: facebook post in mobile google search
Next Stories
1 वांद्रे, खार, सांताक्रुझमध्ये पाणीपुरवठा वेळेत बदल
2 जिल्हय़ातील कोणत्याही संस्थेत अनुकंपा तत्त्वावर नियुक्त्या
3 अर्धनग्न महिलेमुळे लोकलमध्ये खळबळ
Just Now!
X