scorecardresearch

Premium

मुंबईः डिजिटल वृत्तवाहिनीच्या व्यवस्थापकीय संपादकांना धमकी; अंधेरी एमआयडीसी पोलीस ठाण्यात गुन्हा दाखल

तक्रारीनुसार, त्यांच्या व्यवस्थापकीय संचालकांनी बुधवारी ‘खलिस्तान’ या विषयावर संपादकीय प्रसारित केले होते.

digital news channel managing editor get threat call
प्रातिनिधिक फोटो

खलिस्तानबाबत संपादकीय प्रसारित केल्याच्या कारणावरून डिजिटल वृत्तवाहिनीच्या कार्यालयात दूरध्वनी करून व्यवस्थापकीय संपादकांना धमकी दिल्याचा प्रकार उघडकीस आला आहे. याप्रकरणी वृत्तवाहिनीने केलेल्या तक्रारीवरून अंधेरी येथील एमआयडीसी पोलिसांनी दूरध्वनी करणाऱ्या व्यक्तीविरोधात गुन्हा दाखल केला आहे. डिजिटल वृत्तवाहिनी व संकेतस्थळ असलेल्या या वाहिनीच्या उपाध्यक्षांनी याप्रकरणी एमआयडीसी पोलिसांकडे तक्रार केली होती.

हेही वाचा >>> संगीत शिक्षकाला बेकायदेशीरीत्या ताब्यात घेणे महागात पडले; दोन लाखांच्या भरपाईचे पोलिसांना आदेश

session Loksatta Arthabhan Income after retirement ville parle Thursday
निवृत्तीनंतरही नियमित उत्पन्न मिळविता येणे शक्य! पार्ल्यात येत्या गुरुवारी ‘लोकसत्ता अर्थभान’चे सत्र
action against website Newsclick
विश्लेषण : ‘न्यूजक्लिक’ वृत्त संकेतस्थळावर का कारवाई करण्यात आली?
bombay hc
‘बॉम्बे’च्या ‘मुंबई’ नामांतराने मूलभूत अधिकारांवर गदा आली का? उस्मानाबादच्या नामांतरावरून राज्य सरकारचा प्रश्न
school teacher
गोव्यात विद्यार्थ्यांच्या धर्मांतराचा प्रयत्न? विहिंपकडून पोलिसात तक्रार, मुख्यध्यापकावर कारवाई; नेमकं प्रकरण वाचा!

तक्रारीनुसार, त्यांच्या व्यवस्थापकीय संचालकांनी बुधवारी ‘खलिस्तान’ या विषयावर संपादकीय प्रसारित केले होते. त्याच संध्याकाळी, वाहिनीच्या कार्यालयात गुरिंदर नावाच्या व्यक्तीने दूरध्वनी केला. पंजाबमधील चंदिगड येथून बोलत असून आपल्याला वाहिनीच्या व्यवस्थापकीय संपादकाशी बोलायचे असल्याचे त्याने सांगितले. मात्र व्यवस्थापकीय संपादक कार्यालयात नसल्याचे गुरिंदरला सांगण्यात आले. त्यावेळी त्याने संपादकीय बंद करा, हा इशारा म्हणून घ्या, अशी धमकी दिली. त्यानंतर वृत्तवाहिनीच्या व्यवस्थापनाने याप्रकरणी तक्रार केल्यानंतर पोलिसांनी गुरिंदरविरुद्ध भादंवि कलम १५३ अ (धर्म, वंश, जन्मस्थान, निवासस्थान, भाषा इत्यादींच्या आधारावर वेगवेगळ्या गटांमध्ये शत्रुत्व वाढवणे आणि सलोखा राखण्यासाठी प्रतिकूल कृत्ये करणे), ५०६ – २ (गुन्हेगारी धमकी), आणि ५०७ (संभाषण साधनावरून निनावी धमकी) गुन्हा दाखल केला आहे.

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Digital news channel managing editor get threat call over broadcasting news on khalistan mumbai print news zws

First published on: 30-09-2023 at 22:08 IST

संबंधित बातम्या

मराठी कथा ×