मुंबई : मध्य, पश्चिम रेल्वेवर विविध अभियांत्रिकी आणि देखभालीची कामे करण्यासाठी रविवारी मेगाब्लॉक घेण्यात आला आहे.
मध्य रेल्वे
मुख्य मार्ग
कुठे : सीएसएमटी ते विद्याविहार अप आणि डाऊन धीम्या मार्गावर
कधी : सकाळी १०.५५ ते दुपारी ३.५५ पर्यंत
परिणाम : ब्लॉक कालावधीत सीएसएमटी ते विद्याविहार अप आणि डाऊन धीम्या मार्गावरील लोकल जलद मार्गावर वळवण्यात येतील. तर, या लोकल भायखळा, परळ, दादर, माटुंगा, शीव आणि कुर्ला स्थानकांत थांबतील.
हेही वाचा >>>मुंबईत आणखी तीन अग्निशमन केंद्रे; महानगरपालिकेच्या अर्थसंकल्पात २३२ कोटींची तरतूद
ट्रान्सहार्बर मार्ग
कुठे : ठाणे-वाशी/नेरळ अप आणि डाऊन मार्गावर
कधी : सकाळी ११.१० ते दुपारी ४.१० पर्यंत
परिणाम : ब्लॉक कालावधीत ठाणे ते वाशी/नेरुळ/पनवेल अप आणि डाऊन लोकल रद्द असतील.
पश्चिम रेल्वे
कुठे : बोरिवली ते अंधेरी अप आणि गोरेगाव ते बोरिवली डाऊन जलद मार्गावर
कधी : सकाळी १० ते दुपारी ३ वाजेपर्यंत
परिणाम : ब्लॉक कालावधीत बोरिवली ते अंधेरी दरम्यानची अप आणि डाऊन जलद लोकल धीम्या मार्गावर वळवण्यात येतील. तसेच काही लोकल रद्द करण्यात येतील.
ठाणे – मुलुंड दरम्यान मेगाब्लॉक
मध्य रेल्वेवरील ठाणे आणि मुलुंड दरम्यान अप आणि डाऊन जलद मार्गावर शनिवारी रात्री ११.३० ते रविवारी पहाटे ४.३० वाजेपर्यंत ब्लॉक घेण्यात येणार आहे. यावेळी मुलुंड स्थानकावरील जुना पादचारी पूल हटविण्यात येणार आहे. त्यामुळे रात्री ९.५४ वाजेची सीएसएमटी – कल्याण लोकल आणि रात्री ११.०५ वाजेची कल्याण – सीएसएमटी लोकल रद्द करण्यात आली आहे.
