Mumbai Pune Nagpur News Updates : वृद्ध आजीला आरे जंगलातील रस्त्यात टाकले, नातवासह तिघांविरोधात गुन्हे दाखल

पुण्यातील लोहगाव परिसरात गांजा विक्रीसाठी आलेल्या एकाला विमानतळ पोलिसांनी अटक केली. त्याच्याकडून तीन लाख रुपयांचा १२ किलो गांजा जप्त करण्यात आला. अखिलेश गरीब मंडल (वय ३४, रा. लोहगाव) असे अटक करण्यात आलेल्याचे नाव आहे. याप्रकरणी त्याच्याविरुद्ध अमली पदार्थ प्रतिबंधक कायद्यांतर्गत गुन्हा दाखल करण्यात आला आहे.

नागपूर शहरात चोहोबाजूंनी सिमेंट रस्ते आणि उड्डाणपुलांचे जाळे विस्तारले जात आहे. मात्र प्रत्यक्षात अपघातांची संख्या कमी होण्याऐवजी दिवसागणिक वाढतच आहे. शहर आणि परिसरात २०२० ते २०२५ या पाच वर्षांत ५४१७ प्राणांतिक अपघातांची नोंद झाली. यात दीड हजारावर लोक ठार झाले. 

मुंबई, मुंबई महानगरातील, पुणे शहर आणि परिसर तसंच नागपूर शहराशी संबंधित महत्त्वाच्या घडामोडींची माहिती या blog च्यामाध्यमातून मिळेल.