मुंबई आणि आसपासच्या परिसरात पुढील तीन चार तास पावसाचे | Rainfall in Mumbai and surrounding areas for the next three to four hours

मुंबईत ढगांचा गडगडाट आणि सोसाट्याच्या वाऱ्यासह हलका ते मध्यम स्वरूपाचा पाऊस कोसळण्याची शक्यता

(फोटो सौजन्य- संग्रहित छायाचित्र, लोकसत्ता)

लोकसत्ता प्रतिनिधी

मुंबई : मुंबई आणि आसपासच्या परिसरात पुढील तीन ते चार तासात विजांच्या कडकडाटासह पाऊस पडण्याची शक्यता हवामान विभागाने वर्तवली आहे. ढगांचा गडगडाट आणि सोसाट्याच्या वाऱ्यासह हलका ते मध्यम स्वरूपाचा पाऊस कोसळण्याची शक्यता आहे.

आणखी वाचा- Maharashtra Unseasonal Rain : मुंबई, पुण्यासह राज्यातील अनेक भागात अवकाळी पावसाची हजेरी; शेतपिकांचंही मोठं नुकसान

मुंबई, पुणे आणि अहमदनगर या तीन जिल्ह्यांसाठी हवामान विभागाने हा इशारा दिला आहे. त्यामुळे या परिसरातील नागरिकांनी काळजी घ्यावी, असे आवाहन मुंबई महानगरपालिकेच्या आपत्कालीन विभागाने केले आहे. या काळात ताशी ३० ते ४० किमी वेगाने वारे वाहतील, असेही सांगण्यात येत आहे.

आणखी वाचा- मेट्रो-७च्या दिंडोशी स्थानकाच्या नामकरणाचा वाद: आनंदनगर स्थानकाचे नाव पूर्ववत, तर पठाणवाडीचे का नाही?

दरम्यान, मुंबईत आणि आसपासच्या परिसरात सोमवारी दुपारपासून वेगाने वारे वाहत असून ढगाळ वातावरण आहे. विजाही चमकत आहेत. मंगळवारी साजऱ्या होत असलेल्या धुलिवंदनावर अवकाळी पावसाचे सावट आहे.

First published on: 07-03-2023 at 10:35 IST