ट्रेकिंगला गेलेल्या तरूणीचा सहकर्मचाऱ्याकडून विनयभंग

हेही वाचा >>> धारावी पुनर्विकास प्रकल्पातील सर्वांचे धारावीतच पुनर्वसन करा, मुंबई बचाव समितीची मुख्यमंत्र्यांकडे चर्चेची मागणी

चौवीस वर्षीय तक्रारदार तरुणी ही मूळची गुजरातच्या वापी येथील रहिवासी असून गेल्या तीन महिन्यांपासून मुंबईत राहते. तिच्या परिसरातील एका खाजगी कंपनीत ती पुरवठा विभागात कामाला आहे. तिच्या कंपनीतील कर्मचाऱ्यांनी १ जुलैला बदलापूरच्या कोंडेश्वर येथे ट्रेकिंगला जाण्याचा बेत आखला. ठरल्याप्रमाणे ६ जुलैला ती तिच्या मित्र-मैत्रिणींसह बदलापूर येथे मुक्काम करुन दुसऱ्या दिवशी ट्रेकिंगला जाणार होती. शनिवारी सहा वाजता ते सर्वजण बदलापूरला गेले. रात्री ते सर्वजण दोन सदनिकांत मुक्कामी होते.

हेही वाचा >>> १२ वर्षांच्या मुलीचे वाडिया रुग्णालयात अवयवदान! चार रुग्णांना दिले जीवनदान…

एका सदनिकेत तिच्या इतर सहकाऱ्यांसह शादाबही होता तर इतर सहकारी दुसऱ्या सदनिकेत होते. दुसऱ्या दिवशी तिला अभयने ट्रेकिंगला जाण्यासाठी उठविण्याचा प्रयत्न केला. मात्र झोप येत असल्याने तिने ट्रेकिंगला जाण्यास नकार दिला. ते सर्वजण निघून गेल्यावर सदनिकेत ती आणि शादाब दोघेच होते. काही वेळानंतर त्याने तिला अश्लील स्पर्श करुन तिचा विनयभंग केला. या प्रकाराने तिला धक्काच बसला. तिने त्याला जाब विचारला व ती तिची बॅग भरुन सदनिकेबाहेर निघून गेली. घडलेला प्रकार तिने तिच्या मित्रांना सांगितला. त्यानंतर ते मुंबईत आले. दोन दिवसानंतर तिने तिच्या कंपनीच्या मनुष्यबळ व्यवस्थापन विभागाला कंपनीच्या लैंगिक छळवणूक प्रतिबंधक समितीला घडला प्रकार सांगितला. यावेळी त्यांनी तिला पोलिसात तक्रार करण्याचा सल्ला दिला होता. त्यानंतर तिने सहार पोलिसांत शादाब खानविरुद्ध तक्रार केली होती. या तक्रारीनंतर त्याच्याविरुद्ध पोलिसांनी विनयभंगाचा गुन्हा दाखल केला आहे.