नागपूर – उत्तर नागपुरातील हबीब नगर नवीन वस्ती टेका नाका येथे चांभार नाल्याच्या किनाऱ्यावर असलेली दोन मजली इमारत रात्री उशिरा कोसळली.
चांभार नाल्याच्या शेजारी असलेल्या या दोन मजली जीर्ण इमारतीमध्ये मुश्ताक अहमद अन्सारी यांचे कुटुंब राहत होते. ही इमारत जीर्ण झाली होती. कुठल्याही क्षणी पडू शकते त्यामुळे या इमारतीतले लोक आधीच बाहेर पडले होते. त्यांनी घरातील सामान बाहेर काढले होते. रात्री अकराच्या सुमारास ही दोन मजली इमारत मागे असलेल्या नाल्यात कोसळली.
This quiz is AI-generated and for edutainment purposes only.
या घटनेत जीवितहानी झालेली नाही आणि कोणीही जखमी झाले नसल्याचे अग्निशमन विभागाचे अधिकारी संजय रहाटे यांनी सांगितले. रात्री उशिरा नाल्यातील पडलेला मलबा उचलण्याचे काम सुरू झाले.
