बुलढाणा : काँग्रेसचे जिल्हाध्यक्ष राहुल बोन्द्रे यांनी जिल्हा कार्यालयात घेतलेल्या पत्रपरिषदेत भ्रष्टाचाराचे आरोप केले. भाजपच्या ताब्यातील चिखली विधानसभा मतदारसंघासंदर्भातील पत्रपरिषद अंतिम टप्पायत असतानाच कार्यलयाजवळ येऊन भाजपा कार्यकर्त्यांनी गोंधळ घातला. नारेबाजी केली. यामुळे जयस्तंभ चौक परिसरात तणाव निर्माण झाला. पोलिसांनी घटनास्थळी कडक बंदोबस्त लावला आहे. काँग्रेसचे जिल्हाध्यक्ष राहुल बोंद्रे यांनी चिखली विधानसभा मतदारसंघात पाणंद रस्त्यात भ्रष्टाचार झाल्याचा आरोप करत पत्रकार परिषद घेतली. याच वेळी भाजपचे कार्यकर्ते काँग्रेस कार्यालयासमोर जमले. त्यांनी आमदार श्वेता महाले यांच्या समर्थनार्थ घोषणाबाजी केली. यावेळी काँग्रेस कार्यालयाच्या आत राहुल बोंद्रे आणि अन्य पदाधिकारी बसून होते. भाजपचे कार्यकर्ते राहुल बोन्द्रे यांच्या विरोधात घोषणा देत होते. त्यामुळे तणाव निर्माण झाला. हेही वाचा >>> अमरावती : अप्पर वर्धा धरणाची तीन दारे उघडली, प्रतिसेकंद ४७ घनमीटर पाण्याचा विसर्ग आरोप काय? यापूर्वी स्थानिय जयस्तंभ चौकातील गांधी भवन परिसरातील काँग्रेसच्या जिल्हा कार्यालयात जिल्हाध्यक्ष राहुल बोन्द्रे यांनी पत्रपरिषद घेतली. आज सोमवारी, ५ ऑगस्टला संध्याकाळी उशिरा पार पडलेल्या या पत्रपरिषदेत बोन्द्रे यांनी चिखली विधानसभा मतदारसंघातील पाणंद रस्ते बांधकामात ५६ कोटी रूपयाचा भ्रष्टाचार झाल्याचा आरोप केला. त्यांनी या आरोपाद्वारे चिखली च्या आमदार श्वेता महाले यांना थेट लक्ष्य केले. मातोश्री ग्राम समृद्धी शेत पाणंद रस्ते योजनेमध्ये हा गैरव्यवहार करण्यात आला असून अंदाजपत्रक मध्ये एक आणि प्रत्यक्ष बांधकामात एक अशी ही कामे करण्यात आली आहे. हेही वाचा >>> वर्धा : सरपंचाची बनवाबनवी अन् विद्यार्थ्यांना मनस्ताप; जंगलात पायपीट, पोलिसांकडे तक्रार रस्त्यावरील झाडे तोडणे, काळी माती खोदणे, कच्चा मुरूम खोदणे, त्यानंतर पक्का मुरूम आणून टाकणे,त्यावर ८० मिमी ची खडी पसरविणे ,पुन्हा मुरूम टाकून ४० मिमी आकाराची खडी टाकून मुरूम पसरविणे असे अंदाजपत्रक मध्ये नमूद होते.मात्र प्रत्यक्षात फक्त ४० मिमी आकाराची खडी टाकण्यात आल्याचा गंभीर आरोप काँग्रेस जिल्हा अ ध्यक्ष राहुल बोन्द्रे यांनी केला. मात्र बिल (देयक) तब्बल २५ लाख रुपयांचे काढण्यात आले. चिखली मतदारसंघातील ३५० पाणंद रस्त्यांची कामे अशीच मनमानी पद्धतीने सार्वजनिक बांधकाम विभागाचे मापदंडाचे उल्लंघन करून करण्यात आली.यामध्ये तब्बल ५६ कोटी रुपयांचा गैरव्यवहार करण्यात आल्याचा गंभीर आरोप करून माजी आमदार राहुल बोन्द्रे यांनी करून पत्र परिषद मध्ये खळबळ उडवून दिली. शासनाने उच्च स्तरीय समिती नेमावी. या समीतीने हजारो शेतकऱ्यांची फसवणूक करणाऱ्या या पाणंद रस्ते बांधकामाची उच्च स्तरीय चौकशी करण्याची मागणी देखील त्यांनी केली. यापूर्वी लोकसहभागातून मतदारसंघात तयार करण्यात आलेले पाणंद रस्ते कितीतरी चांगले होते आणि त्याचा दर्जा कैकपटीने चांगला होता. या रस्त्यावर २५ लाख रुपयांचा खर्च अपेक्षित असताना ८ लाख रुपये खर्चून थातुरमातुर कामे करण्यात आल्याचे राहुल बोन्द्रे यावेळी म्हणाले
