scorecardresearch

Premium

फुटबॉल खेळताना मुलांमध्ये वाद, ठोसा मारताच एकाचा जागीच मृत्यू

फुटबॉल खेळणाऱ्या मुलाने त्याला मैदानावर दगड फेकण्यास मनाई केली. यावरून दोघात वाद झाला.

nagpur football player death, 14 year old boy died while playing football, nagpur crime news
फुटबॉल खेळताना मुलांमध्ये वाद, ठोसा मारताच एकाचा जागीच मृत्यू (संग्रहित छायाचित्र)

नागपूर : मैदानावर फुटबॉल खेळताना झालेल्या वादात एका मुलाने १४ वर्षीय मुलाच्या मानेवर ठोसा मारला. यात त्या मुलाचा मैदानावरच मृत्यू झाला. ही घटना यशोधरानगर ठाण्यांतर्गत घडली. या प्रकरणी पोलिसांनी सध्या आकस्मात मृत्यूची नोंद केली आहे. मोहम्मद इब्राहिम मोहम्मद फिरोज शेख (१४) रा. गरीब नवाजनगर असे मृत मुलाचे नाव आहे. त्याला ठोसा मारणारा १४ वर्षीय मुलगासुद्धा त्याच परिसरातच राहतो.

हेही वाचा : नागपूर : गँगस्टरवर मोक्का, इतर गुंड भूमीगत

KL Rahul IPL 2024 Shoot Video Viral
VIDEO : ‘हे कोण लिहितंय…’, आयपीएल शूटमध्ये केएल राहुलचा संयम सुटला, स्क्रिप्टवरुन कर्मचाऱ्यावर संतापला
Manoj Tiwary vs MS DHoni
“माझ्याकडे गमावण्यासाठी काही नाही, त्यामुळे मी धोनीला विचारेन…”, निवृत्तीनंतर मनोज तिवारीने व्यक्त केली खंत
Watch Indonesian footballer dies after being hit by lightning
मैदानावर फुटबॉल खेळाणाऱ्या खेळाडूचा अंगावर वीज पडल्याने झाला मृत्यू; ‘तो’ थरारक क्षण कॅमेऱ्यात कैद!
Joe Root hand Little Finger injured after being hit by a ball
IND vs ENG : जो रूटने इंग्लंडची वाढवली डोकेदुखी, हाताच्या बोटाला दुखापत झाल्याने सोडावे लागले मैदान

दोन्ही मुलांचे आई-वडील हॅण्डलूम कारखान्यात काम करतात. शनिवारी दुपारी १४ वर्षीय मुलगा मित्रांसोबत परिसरातील मैदानात फुटबॉल खेळत होता. इब्राहिम मैदानात एका बाजूला असलेल्या वडाच्या झाडाखाली बसून खेळ पहात होता. यावेळी तो लहान-लहान दगड उचलून मैदानावर फेकत होता. फुटबॉल खेळणाऱ्या मुलाने त्याला मैदानावर दगड फेकण्यास मनाई केली. यावरून दोघात वाद झाला. त्यानंतर तो मुलगाही फुटबॉल खेळायला लागला. रागात त्या मुलाने इब्राहिमच्या मानेवर एक जोरदार बुक्की मारली. इब्राहिम तेथेच बेशुद्ध होऊन खाली पडला. त्याचा मैदानावरच मृत्यू झाला.

हेही वाचा : अंबाझरी तलावात उडी घेऊन कापड व्यावसायिकाची आत्महत्या

सर्व मुले घाबरली. काहींनी घरी पळ काढला. काही मुलांनी इब्राहिमच्या आईला घटनेची माहिती दिली. मुलाला बेशुद्ध पाहून आईने तत्काळ ऑटो बोलावला आणि त्याला उपचारार्थ खासगी रुग्णालयात घेऊन गेली. डॉक्टरांनी तपासून इब्राहिमला मृत घोषित केले. परिसरातील मुलांकडे विचारपूस केली असता एका बालकाने इब्राहिमच्या मानेवर बुक्की मारल्याची माहिती मिळाली. वडील फिरोज यांनी घटनेची माहिती यशोधरानगर पोलिसांना दिली.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: In nagpur 14 year old boy died in fight during football match adk 83 css

First published on: 14-11-2023 at 12:57 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×