नागपूर : एका कापड व्यावसायिकाने अंबाझरी तलावात उडी घेऊन आत्महत्या केली. दिनेश भंवरलाल जैन (३५) रा. कपिलनगर चौक, नारी रोड, असे मृताचे नाव आहे. दिनेश जैन यांचे कपड्यांचे दुकान आहे. त्यांची पत्नी गृहिणी असून त्यांना एक मुलगी आहे. शनिवारी सायंकाळी दिनेश घरून निघाले. पत्नीला बजाजनगर येथे राहणाऱ्या मावशीकडे जात असल्याचे सांगितले. सायंकाळी ७ वाजताच्या सुमारास ते मावशीकडे न जाता अंबाझरी तलाव परिसरात पोहोचले. हेही वाचा : ‘ते’ प्रवाशी मोठ्या आशेने दिवाळीसाठी गावी निघाले मात्र… काही वेळ काठावर उभे राहिल्यानंतर अचानक तलावात उडी घेतली. तलावावरील उपस्थित नागरिकांनी घटनेची माहिती पोलिसांना दिली. पोहणाऱ्यांनी त्यांना तलावातून बाहेर काढले. त्यानंतर त्यांना उपचारार्थ रुग्णालयात नेले असता डॉक्टरांनी तपासून मृत घोषित केले. दिनेश यांच्या आत्महत्येचे कारण समजू शकले नाही. पोलिसांनी अकस्मात मृत्यूची नोंद करून तपास सुरू केला आहे.
