scorecardresearch

Premium

बालपणी लठ्ठ असलेल्या ७० टक्के मुलांमध्ये तरुणपणात लठ्ठपणा, ‘एआयएएआरओ’चे निरीक्षण

‘एआयएएआरओ’तर्फे नागपूरात १ ते ३ डिसेंबरदरम्यान एका परिषदेचे आयोजन करण्यात आले आहे.

nagpur aiaaro observation, aiaaro on obesity research, 70 percent of obese children become obese in youth
बालपणी लठ्ठ असलेल्या ७० टक्के मुलांमध्ये तरुणपणात लठ्ठपणा, ‘एआयएएआरओ’चे निरीक्षण (छायाचित्र – लोकसत्ता टीम)

नागपूर : बालपणात लठ्ठ असलेल्या ७० टक्के मुलांमध्ये तरुण झाल्यानंतर लठ्ठपणा कायम राहतो, असे धक्कादायक निरीक्षण ऑल इंडिया असोसिएशन फाॅर ॲडव्हान्सिंग रिसर्च इन ओबेसिटी संघटनेकडून (एआयएएआरओ) नोंदवण्यात आले आहे.

‘एआयएएआरओ’तर्फे नागपूरात १ ते ३ डिसेंबरदरम्यान एका परिषदेचे आयोजन करण्यात आले आहे. त्यानिमित्त आयोजित पत्रपरिषदेत मधुमेहरोग तज्ज्ञ डॉ. सुनील गुप्ता म्हणाले, देशात लठ्ठपणाकडे पूर्वी गांभीर्याने बघितले जात नव्हते. परंतु, लठ्ठ व्यक्तीला मधुमेहासह इतरही आजारांची जोखीम जास्त आहे. भारतात साधारणपणे एकूण लहान मुलांपैकी १२.४ टक्के मुलांमध्ये लठ्ठपणा आढळतो. या मुलांपैकी सुमारे ७० टक्के जणांमध्ये तरुणपणी लठ्ठपणा कायम राहतो. तर ३० टक्के मुलांचा लठ्ठपणा जात असल्याचेही निरीक्षण नोंदवले गेले आहे.

PM Narendra Modi
“अमूल जैसा कोई नहीं!”, गुजरातमध्ये नरेंद्र मोदींचं विधान चर्चेत, तर आव्हाडांचा ‘महानंद’बाबत मोठा दावा!
amount from cyber fraud re-deposited in bank accounts of citizens Vivek Phansalkar
सायबर फसवणुकीतील २४.५ करोड रुपये पुन्हा नागरिकांच्या बँक खात्यात जमा – विवेक फणसाळकर
Schools of Thane Zilla Parishad started on solar system
ठाणे जिल्हा परिषदेच्या शाळा सौरयंत्रणेवर सुरु
objectionable tapes
गडचिरोली : ‘हनीट्रॅप’ प्रकरणात आक्षेपार्ह चित्रफीत पोलिसांच्या हाती, पत्रकाराच्या…

हेही वाचा : नक्षलवाद्यांचे ‘हमास’ला समर्थन, छत्तीसगड सीमेवर लावले फलक

डायबेटिज असोसिएशन ऑफ इंडियाचे अध्यक्ष डॉ. अमोल मेश्राम म्हणाले, आपल्याकडे लठ्ठपणाला आजार म्हणूनच बघायला हवे. खाणपानाच्या वाईट सवयी बदलण्यासह नित्याने व्ययाम व आहाराकडे विशेष लक्ष दिल्यास लठ्ठपणा कमी होऊ शकतो. अकादमी ऑफ मेडिकल सायन्सेसचे अध्यक्ष डॉ. अजय अंबाडे म्हणाले, १ ते ३ डिसेंबर दरम्यान नागपुरात लठ्ठपणावर मोठी परिषद होणार आहे. त्यानुसार १ डिसेंबरला व्हर्च्युअल तर २ आणि ३ डिसेंबरला येथील हाॅटेल रेडिसन ब्लूमध्ये परिषद होईल. त्याला ऑनलाईन पद्धतीने वर्ल्ड ओबेसिटी फेडरेशनच्या अध्यक्ष व मुळात ऑस्ट्रेलिया येथे राहणाऱ्या डॉ. लुईस बौर उपस्थित राहतील. कविता गुप्ता म्हणाल्या, परिषदेत लठ्ठपणावरील विविध उपचार, आहार, व्यायाम आणि इतरही पद्धतींवर सविस्तर व्याख्यान व चर्चात्मक कार्यक्रम होईल. डॉ. सचिन गाथे यांनीही यावेळी आपले मत मांडले.

हेही वाचा : ‘किसान रेल्वे’ बंद झाल्याने कृषीमाल वाहतुकीला फटका

या संघटनांचा सहभाग

ऑल इंडिया असोसिएशन फाॅर ॲडव्हान्सिंग रिसर्च इन ओबेसिटी संघटनेतर्फे लठ्ठपणावर आयोजित परिषदेत डायबेटिज केअर फाऊंडेशन ऑफ इंडिया, अकादमी ऑफ मेडिकल सायंसेस, डायटेटिक असोसिएशन ऑफ इंडिया, इंडियन डायटेटिक असोसिएशन (नागपूर शाखा) या संघटनांचाही सहभाग आहे.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: In nagpur aiaaro observes that 70 percent of children who are obese in childhood become obese in youth mnb 82 css

First published on: 01-12-2023 at 10:05 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×