scorecardresearch

Premium

नक्षलवाद्यांचे ‘हमास’ला समर्थन, छत्तीसगड सीमेवर लावले फलक

नक्षलवाद्यांनी छत्तीसगढ-महाराष्ट्र सीमेवरील प्रतापपुर जंगल परिसरात फलक लावल्याने सुरक्षा यंत्रणा सतर्क झाली आहे.

gadchiroli naxalites supports hamas terrorists, naxalites supports hamas terrorists in gadchiroli
नक्षलवाद्यांचे 'हमास'ला समर्थन, छत्तीसगड सीमेवर लावले फलक (छायाचित्र – लोकसत्ता टीम)

गडचिरोली : इस्रायल आणि पॅलेस्टाईनमध्ये सुरू असलेल्या युद्धात पॅलेस्टाईनकडून लढणाऱ्या ‘हमास’ या अतिरेकी संघटनेला नक्षलवाद्यांनी समर्थन दिले आहे. ही संघटना पॅलेस्टाईन जनतेसाठी संघर्ष करीत आहे, असा उल्लेख करून नक्षलवाद्यांनी छत्तीसगढ-महाराष्ट्र सीमेवरील प्रतापपुर जंगल परिसरात फलक लावल्याने सुरक्षा यंत्रणा सतर्क झाली आहे.

२ ते ८ डिसेंबरदरम्यान नक्षलवाद्यांकडून ‘पीएलजीए’ सप्ताह पाळला जातो. यादरम्यान नक्षलप्रभावित क्षेत्रात ते हिंसक कारवाया करतात. या पार्श्वभूमीवर महाराष्ट्राच्या गडचिरोली जिल्ह्याला लागून असलेल्या छत्तीसगडमधील जंगल परिसरात गुरूवारी नक्षलवाद्यांनी दोन फलक लावले. यात त्यांनी इस्रायलचा विरोध केला असून पॅलेस्टाईनकडून लढणाऱ्या ‘हमास’ या अतिरेकी संघटनेला समर्थन दिले आहे. हमास ही दहशतवादी संघटना नसून ते पॅलेस्टाईनमधील जनतेच्या मुक्तीसाठी संघर्ष करीत आहे. त्यामुळे पॅलेस्टाईनला समर्थन देऊन त्यांचे हात मजबूत करा. असे आवाहन नक्षल्यांनी केले आहे.

राज्यातील ‘या’ आठ जिल्ह्यांना बसणार अवकाळीचा फटका, हवामान खात्याचा इशारा
Stone pelting on bus in Dharashiv
जिल्हाभरात बंदला प्रतिसाद, जरांगेंना समर्थन; धाराशिवमध्ये बसवर दगडफेक
Naxalites Attempt To Attack In Mumbai, Thane, Pune, Nagpur, Gondia
मुंबई, पुण्यासह राज्यातली ‘ही’ पाच शहरं नक्षल्यांच्या टार्गेटवर, नक्षलवाद विरोधी मोहिमेचे प्रमुख संदीप पाटील यांची माहिती
temples under Government
सरकारच्या अधिपत्याखालील मंदिरात भ्रष्टाचार, महाराष्ट्र मंदिर महासंघाचा आरोप

हेही वाचा : ‘किसान रेल्वे’ बंद झाल्याने कृषीमाल वाहतुकीला फटका

छत्तीसगड विधानसभा निवडणुकीदरम्यान नक्षल्यांनी काही भाजप समर्थकांची हत्या केली होती. त्यानंतर शेजारच्या गडचिरोली जिल्ह्यात देखील लागोपाठ तिघांची केली. त्यामुळे ‘पीएलजीए’ सप्ताहाच्या पार्श्वभूमीवर सीमाभागात दहशतीचे वातावरण आहे.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: In gadchiroli naxalites supports hamas terrorists placards put up at chhattisgarh border pratappur ssp 89 css

First published on: 01-12-2023 at 09:51 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×