वर्धा – यवतमाळ – नांदेड रेल्वे मार्गाचे युवा दिनी पंतप्रधानांच्या हस्ते लोकार्पण? वादाची ठिणगी

या दिवशी खासदार तसेच वर्धा व देवळी येथील तसेच यवतमाळचे आमदार उपस्थित राहू शकतात का, अशी चौकशी झाली. मात्र रेल्वे प्रशासन या दिवशी औपचारिक कार्यक्रम कळंब रेल्वे स्थानकावर तर खासदार वर्धा स्थानकावर कार्यक्रम घेण्याबाबत आग्रही आहे. हा वादाचा मुद्दा आहे. या मार्गाबाबत तडस यांनी सतत पाठपुरावा केला. प्रश्न मार्गी लावला. म्हणून वर्ध्यात सोहळा व्हावा, अशी भूमिका आहे.

हेही वाचा – सरपणासाठी जंगलात गेलेल्या व्यक्तीचा वाघाच्या हल्ल्यात मृत्यू; चंद्रपूरच्या कारवा वनक्षेत्रातील घटना

वाद निवळेल, अशी शक्यता आहे. या मार्गाचा पहिला टप्पा पूर्णत्वास गेला असून गाड्या डिसेंबर अखेरीस धावायला सुरवात होईल, अशी शक्यता नागपूर विभागीय रेल्वेचे प्रबंधक आशुतोष श्रीवास्तव यांनी चार महिन्यांपूर्वी व्यक्त केली होती. एकूण २०६ किलोमीटर लांबीचा हा मार्ग साडेतीन हजार कोटी रुपये खर्चून पूर्णत्वास जात आहे. वर्धा ते यवतमाळ या मार्गाचे नव्वद टक्के काम पूर्ण झाले आहे. मार्गावर १५ मोठे पूल, २९ बोगदे व ५ उड्डाण पुलाचे काम प्रगतीपथावर आहे. वर्धा ते कळंब या चाळीस किलोमीटर अंतराचे काम पूर्ण झाले असून देवळी रेल्वेस्थानक वास्तू तयार झाली आहे. २००९ मध्ये मंजूर झालेल्या या मार्गाच्या कामास २०१६ मध्ये प्रत्यक्षात सुरुवात झाली.

हेही वाचा – नागपुरात ३१ फुटांचे ‘श्री राम’..  हलबा समाज शिल्पकार संघद्वारे अयोध्येतील मंदिर सोहळ्यादरम्यान नियोजन

सध्या वर्धा येथून नांदेडला जाण्यास दहा तास लागतात. पण हा मार्ग सुरू झाल्यानंतर केवळ चार तासांत हे अंतर पार करणे शक्य होणार आहे. विदर्भ व मराठवाड्यास जोडणारा हा मार्ग विकासाचे नवे पर्व सुरू करणार, असा विश्वास तडस यांनी पाहणीवेळी व्यक्त केला होता. लोकार्पण १२ जानेवारीला कुठे होणार हाच उत्सुकतेचा प्रश्न आहे.