रात्रपाळीतील ७५ टक्केहून अधिक कर्मचारी संपावर महेश बोकडे नागपूर: वीज यंत्रणेच्या खासगीकरणाला विरोधसह इतर मागणीसाठी राज्यातील तिन्ही शासकीय कंपनीचे वीज कर्मचारी ३ जानेवारीच्या मंध्यरात्रीपासून संपावर आहे. महानिर्मितीच्या राज्यभरातील वीज निर्मिती प्रकल्पात रात्रपाळीत ७५ टक्केहून अधिक कर्मचारी संपात सहभागी झाले. त्यानंतरही ६,१०० मेगावॅट वीज निर्मिती ४ जानेवारीच्या सकाळी ९ वाजता नोंदवल्यागेल्याने सर्वसामान्यांना दिलासा मिळाला आहे. पण येथे तांत्रिक दोष उद्भवल्यास स्थिती बिघडण्याची शक्यता आहे. MSEB Employee Strike : “आपल्याला महावितरणसारख्या कंपनीची गरजही लागणार नाही, कारण…”, MSEB च्या संचालकांचं मोठं विधान राज्यात ४ जानेवारी सकाळी ९ वाजता विजेची मागणी २३ हजार २८० मेगावॅट होती. तर राज्यातील विविध वीज निर्मिती प्रकल्पात १४ हजार ७०० मेगावॅट वीज निर्मिती होत होती. त्यात महानिर्मितीच्या ६ हजार १०० मेगावॅट वीज निर्मितीचा समावेश होता. दरम्यान महानिर्मितीच्या एकूण वीज निर्मितीपैकी कोरडी प्रकल्पात १ हजार १३० मेगावॅट, खापरखेडा ४९६ मेगावॅट, पारस १८१ मेगावॅट, चंद्रपूर १ हजार ३७० मेगावॅट, भुसावळ ८०२ मेगावॅट, नाशिक २४४ मेगावॅट, परळी २६९ मेगावॅट आणि उर्वरित केंद्राच्या वाट्यासह उरण व कोयना या प्रकल्पातून निर्माण होत होती. MSEB Employee Strike: उपमुख्यमंत्र्यांच्या विभागात संपाला सर्वाधिक प्रतिसाद, तब्बल ९० टक्के कर्मचारी संपावर महानिर्मितीच्या तीन प्रकल्पात रात्रपाळीतील कर्मचाऱ्यांची स्थिती (ए शिफ्ट) चंद्रपूर - २८२ पैकी १८० गैरहजर (६४ %) कोराडी - ६२ पैकी ४६ गैरहजर (७४%) खापरखेडा - १६१ पैकी १२४ गैरहजर (७७%)
