चंद्रपूर : ४१ हजारांची लाच घेतांना दोन सरपंचासह एका उपसरपंच जाळ्यात

हेही वाचा >>> वाघाने जिल्हा सोडला पण डरकाळ्या सुरूच; शाळा ओस तर वन कर्मचारी त्रस्त

चिमूर तालुक्यातील आंबेरी ग्राम पंचायत अंतर्गत जिल्हा परिषद प्राथमिक शाळा व अन्य बांधकामाकरीता उमरेड येथील तक्रारदार ठेकेदाराला साहित्य पुरविण्याचे काम मिळाले होते. तक्रारदाराने शाळेच्या बांधकामाला लागणारे सर्व साहित्य पुरविले. पुरविलेल्या साहित्याचे धनादेश मागणी केली असता, आंबेनेरीचे सरपंच संदीप दोडके यांनी ५ टक्के कमिशननुसार ७८,६०० रूपये लाचेची मागणी केली होती.

हेही वाचा >>> शंकरबाबा पापळकरांच्या मानस कन्येचे ‘एमपीएससी’त यश…कचरा पेटित सापडलेल्या मुलीचा…

 तडजोडीअंती ४१ हजार रूपये देण्याचे ठरले. मंगळवारी संदीप दोडके यांना ४१ हजार रूपये घेताना सरपंच संदीप दोडके यांना लाचलुचपत विभागाला रंगेहाथ पकडण्यात आले. त्यांच्या सोबत असलेले बोरगाव बुटीचे सरपंच रामदास चौधरी, उपसरपंच हरीश गायकवाड यांचाही त्यामध्ये सहभाग असल्याने त्यांनाही ताब्यात घेण्यात आले. चिमूर पोलिस ठाण्यात गुन्हा दाखल करण्यात आला आहे. सदरची कारवाई चंद्रपूर लाचलुचपत प्रतिबंधक विभागाने केली आहे.