scorecardresearch

Premium

‘डीपफेक’साठी डीपी-प्रोफाईल छायाचित्रांचा वापर, राज्य सायबर क्राईम विभागाकडून सतर्कतेचा इशारा

फेसबुक, इन्स्टाग्राम, व्हॉट्सअ‍ॅपच्या डीपी किंवा प्रोफाईलवरील छायाचित्र वापरून डीपफेक केले जात आहे. महाराष्ट्र सायबर क्राईम विभागाने याबाबत सतर्कतेचा इशारा दिला आहे.

DP profile photographs
‘डीपफेक’साठी डीपी-प्रोफाईल छायाचित्रांचा वापर, राज्य सायबर क्राईम विभागाकडून सतर्कतेचा इशारा (image – pixabay/representational image)

नागपूर : डीपफेक गुन्हेगारीचा राज्यभरात धोका निर्माण झाला आहे. फेसबुक, इन्स्टाग्राम, व्हॉट्सअ‍ॅपच्या डीपी किंवा प्रोफाईलवरील छायाचित्र वापरून डीपफेक केले जात आहे. महाराष्ट्र सायबर क्राईम विभागाने याबाबत सतर्कतेचा इशारा दिला आहे.

गेल्या काही महिन्यांपासून महाराष्ट्र, दिल्ली, गुजरात, पश्चिम बंगाल, पंजाब कर्नाटक, केरळ आणि चेन्नईसह अन्य राज्यातही डीपफेकच्या तक्रारी दाखल होत आहेत. यामध्ये मोठमोठ्या अभिनेत्रींसह राजकीय व्यक्तींचा समावेश आहे. बदल्याच्या भावनेतून किंवा सूड उगविण्यासाठी डीपफेकचे प्रकार घडत आहेत. त्यामुळे महाराष्ट्र सायबर विभागाने याबाबत जनजागृती करणे सुरू केले आहे. डीपफेक चित्रफितींमध्ये मशीन लर्निंग आणि कृत्रिम बुद्धिमत्तेचा वापर केला जातो. समाजात बदनामी करणे एवढाच उद्देश डीपफेकमागे असतो. याप्रकरणी पुणे, मुंबई आणि नागपुरात अनेकांना ताब्यात घेण्यात आले आहे. केवळ सूड घेण्याच्या किंवा बदनामी करण्याच्या उद्देशाने छायाचित्राशी छेडछाड केल्याची कबुली जवळपास सर्वच आरोपींनी दिली, असा दावा पोलिसांनी केला आहे.

prabhakar devdhar
इलेक्ट्रॉनिक आयोगाचे माजी अध्यक्ष देवधर यांचे निधन; ‘अ‍ॅप्लॅब इंडिया’चे संस्थापकप्रवर्तक
Loksatta explained Why Confuse With New Option on Scholarship Website
विश्लेषण: शिष्यवृत्ती संकेतस्थळावरील नव्या पर्यायाने गोंधळ का उडाला?
maharashtra ats arrested many associated with isis terrorist organization in last few months
गुप्तचर विभागाकडील माहिती राष्ट्रीय तपास यंत्रणेकडे!, राज्यातील एटीएस आता आत्मनिर्भर
Integrated Circuit Texas Instruments TI company Jack Kilby Nobel Robert Noyce
चिप-चरित्र:‘इंटिग्रेटेड सर्किट’चा जन्म!

हेही वाचा – विधानसभा निवडणूक निकाल, फडणवीस यांची प्रतिक्रिया म्हणाले…

खाते ‘लॉक’ करा

नागरिकांनी आपले फेसबुक, इन्स्टाग्राम खाते ‘लॉक’ करावे. समाजमाध्यमांवर छायाचित्र टाकताना तेदेखील ‘लॉक’ करावे किंवा त्या बाबतीत गुप्तता बाळगावी. अज्ञात व्यक्तींची फ्रेंड रिक्वेस्ट स्वीकारू नये, असे आवाहन पोलिसांनी केले आहे.

हेही वाचा – बनावट नोटांप्रकरणी राष्ट्रीय तपास यंत्रणेची यवतमाळात कारवाई; आर्णी तालुक्यातून संशयितास ताब्यात घेतले

डीपफेक हा सायबर गुन्हा आहे. नागरिकांनी आपली खासगी माहिती, छायाचित्र समाजमाध्यमांवर टाकताना सतर्क राहावे. असा प्रकार कुणासोबत घडल्यास लगेच सायबर पोलीस ठाण्यात तक्रार द्यावी. – अर्चित चांडक, पोलीस उपायुक्त, सायबर क्राईम, नागपूर.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Use of dp profile photographs for deepfakes alert from state cyber crime department adk 83 ssb

First published on: 03-12-2023 at 14:11 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×