scorecardresearch

Premium

छापील वीज देयकास ४० हजार ग्राहकांचा नकार; पर्यावरणस्नेही मार्गाचा अवलंब

पर्यावरणाचे रक्षण करण्यासाठी महावितरणकडून ही योजना सुरू केली आहे.

eco-friendly consumers Mahavitaran rejected printed electricity bills adopted online service
छापील वीज देयकास ४० हजार ग्राहकांचा नकार; पर्यावरणस्नेही मार्गाचा अवलंब (छायाचित्र- लोकसत्ता ग्राफिक्स टीम)

नाशिक: महावितरणच्या नाशिक परिमंडळातील ४० हजार ८३५ पर्यावरणस्नेही ग्राहकांनी छापील वीज देयक नाकारून कागदाचा वापर पूर्णपणे बंद करून ऑनलाईन सेवेचा पर्याय स्वीकारला आहे. महावितरणच्या गो-ग्रीन सेवेचा लाभ घेतला आहे. अशा प्रकारची नोंदणी केलेल्या प्रत्येक ग्राहकाची वार्षिक १२० रुपये याप्रमाणे एकूण ग्राहकांची ४९ लाख रुपये इतकी वार्षिक बचत होत आहे.

वीज देयकासाठी ई-मेल आणि लघूसंदेशचा पर्याय निवडल्याने या ग्राहकांना दर महिन्याला प्रत्येक वीज देयकामागे १० रुपयाची सवलत दिली जात असून इतरही ग्राहकांनी गो-ग्रीन योजनेत सहभागी होऊन पर्यावरण रक्षण व सवलतीचा लाभ घ्यावा, असे आवाहन महावितरणने केले आहे.

four couple yoga pose to stay fit together
Couple yoga poses : नाते आणि आरोग्य दोन्ही राहील उत्तम! तंदुरुस्त रहाण्यासाठी हे ४ प्रकार पाहा
Maharashtra public health department Vatsalya scheme pregnant women newborns pune
गर्भवती, बालकांच्या आरोग्यासाठी नवीन ‘वात्सल्य’ योजना! जाणून घ्या नेमका काय फायदा होणार…
ropeway projects Nitin Gadkari
५ वर्षांत १.२५ लाख कोटींचे २०० रोपवे प्रकल्प; नितीन गडकरींचं पर्वतोड्डाण
Information about future vehicles and fuels in the automotive industry Pune print news
वाहन उद्योगातील भविष्यवेधी संकल्पनांचा वेध! जाणून घ्या भविष्यातील वाहने अन् इंधनाविषयी…

हेही वाचा… धुळे पोलिसांनो, कार्यालयात उशिरा याल तर सावधान…

सद्यस्थितीत नाशिक जिल्ह्यात २४ हजार ३८३ आणि अहमदनगर जिल्ह्यात १६ हजार ४५२ अशाप्रकारे एकूण नाशिक परिमंडळात ४० हजार ८३५ वीज ग्राहकांनी महावितरणच्या ‘गो-ग्रीन’ योजनेत सहभाग घेतला आहे. पर्यावरणाचे रक्षण करण्यासाठी महावितरणकडून ही योजना सुरू केली आहे. यामध्ये वीज देयक छापीलऐवजी फक्त ई-मेल व लघूसंदेशचा पर्याय निवडल्यास वीज ग्राहकांना प्रती देयकात १० रुपये सवलत देण्यात येत आहे. त्यामुळे वीज देयकात वार्षिक १२० रुपयांची बचत होणार आहे. वीज देयक तयार झाल्यानंतर लगेचच ई-मेल तसेच लघूसंदेशाद्वारे दरमहा ते प्राप्त होत असल्याने ग्राहकांना ते तात्काळ घरबसल्या ऑनलाइनद्वारे भरण्याची सोय उपलब्ध आहे. सोबत ऑनलाईन वीज देयक भरल्यास ग्राहकाला वीज देयकाच्या ०.२५ टक्के किंवा जास्तीत जास्त ५०० रुपयेपर्यंत सवलत मिळते.

हेही वाचा… पूल खचल्याने मनमाडमध्ये वाहतूक कोंडीचे संकट; स्थानिकांसह प्रवाश्यांचे हाल

वीज ग्राहकांना छापील वीज देयकांची गरज भासल्यास त्यांना ई-मेलद्वारे प्राप्त झालेली देयके संगणकात जतन करता येईल. महावितरणच्या संकेतस्थळावर १२ महिन्यांची देयके उपलब्ध असतात. आवश्यकतेप्रमाणे ग्राहकांना ते कधीही डाउनलोड करण्याची किंवा मूळ स्वरूपात रंगीत प्रिंट काढण्याची सोय आहे. पर्यावरणाच्या समृद्धी व वीज खर्च कमी करण्यासाठी गो-ग्रीन या पर्यायाचा लाभ घ्यावा, असे आवाहन करण्यात आले आहे.

Latest Comment
View All Comments
Post Comment

Nashik News (नाशिक न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: 40 thousand eco friendly consumers of mahavitarans nashik circle have rejected printed electricity bills and have adopted the option of online service dvr

First published on: 01-12-2023 at 14:11 IST

आजचा ई-पेपर : नाशिक

वाचा
epaper image

संबंधित बातम्या

तुम्ही या बातम्या वाचल्या आहेत का? ×