नाशिक: आगीत घरातील सर्व साहित्य खाक; सिडकोतील घटना

तोरणा नगरातील चौथ्या योजनेत गोकुळ खैरनार कुटूंबियांसह राहतात. शनिवारी ते कुटूंबातील सदस्यांसह काही कामानिमित्त बाहेर गेले होते. घरात पती-पत्नी, आई, दोन मुलगे असा परिवार आहे. दुपारी सव्वा बाराच्या सुमारास घरातून धूर निघू लागल्यावर परिसरातील नागरिकांनी अग्निशमन विभागाला माहिती कळवताच अग्निशमन दलाचा बंब घटनास्थळी दाखल झाला.

हेही वाचा… अवकाळीमुळे धुळे जिल्ह्यात २४२ हेक्टर पिकांचे नुकसान; ६२ गावे बाधित

गल्लीबोळातून घटनास्थळी पोहोचण्यास त्यांचा वेळ गेला. अवघ्या १५ मिनिटात अग्निशमन दलाने आग विझवली. तत्पूर्वी विद्युत विभागाच्या कर्मचाऱ्यांनी घटनास्थळी धाव घेत घरातील वीज पुरवठा बंद केला होता. आगीत घरातील टीव्ही, गादी, फर्निचर, कपाट आदी साहित्य जळून भस्मसात झाले.