scorecardresearch

Premium

भाडेकरू देताय ? पोलीस ना हरकत प्रमाणपत्र नसेल तरी चालेल मात्र भाडेकरूची माहिती, फोटो पोलिसांना कळवणे अनिवार्य

पोलीस ठाण्यात भाडेकरूंचे ओळखपत्र, पॅनकार्ड आणि फोटो जमा करणे अनिवार्य करण्यात आले आहे.

navi mumbai, renting house, police NOC, Tenant, ID card, PAN Card, Tenant Information
पोलीस ना हरकत प्रमाणपत्र नसेल तरी चालेल मात्र भाडेकरूची माहिती, फोटो पोलिसांना कळवणे अनिवार्य (संग्रहित छायाचित्र)

नवी मुंबई : नवी मुंबईत आता भाडेकरू देताना पोलीस एन.ओ .सी अर्थात ना हरकत प्रमाणपत्राची गरज नाही मात्र पोलीस ठाण्याला भाडेकरूंचे ओळखपत्र, पॅनकार्ड आणि फोटो जमा करणे अनिवार्य करण्यात आले आहे. गुन्हेगारांना आळा घालण्यासाठी हे पाऊल उचलण्यात आले आहे. नवी मुंबईत व्यावसायिक गाळा, अथवा घर घेऊन आर्थिक फसवणूक, घरफोडी, अंमली पदार्थ व्यापार अनेक ठिकाणी होतो. हे करत असताना गुन्हेगार आपली माहिती त्या गाळा किंवा आणि सदनिका मालकपासून लपवून ठेवत खोटी माहिती देतात. असे सर्वाधिक प्रकार वाशी आणि सीबीडी भागात निदर्शनास आले आहेत.

विदेशात नोकरीचे आमिष दाखवून कोट्यवधी रुपयांची फसवणूक करून मुख्य गुन्हेगार पळून जातात. तर उर्वरित कर्मचाऱ्यांवर कारवाई केली जाते. तसेच नायझेरियन नागरिक दुप्पट तिप्पट भाडे देतात म्हणून त्यांना भाड्याने घर मिळते मात्र बहुतांश वेळा त्यांचा धिंगाणा गुंडगिरी आणि अमली पदार्थ वितरणमध्ये सहभाग आढळून आला आहे. हा प्रकार सर्वाधिक कोपरखैरणे भागात होत होता. मात्र, आता खारघर आणि परिसरात होत असल्याचे समोर आले आहे. या वर्षाच्या सुरवातीलाच अमली पदार्थ प्रकरणी 9 नायझेरियन आणि एका युगांडाच्या नागरिकांवर कारवाई करण्यात आली होती.

Why is dot on identity card controversial What are the objections to egg-banana scheme for student nutrition
विश्लेषण : ‘ओळखपत्रावरील ठिपका’ वादात का? विद्यार्थी पोषण आहारासाठी अंडी-केळी योजनेवर कोणते आक्षेप?
Nirmala Sitharaman asserted that the government has succeeded in delivering social schemes to the intended beneficiaries
सामाजिक योजना इच्छित लाभार्थ्यांपर्यंत पोहोचवण्यात सरकारला यश – सीतारामन
Sassoon-hospital-lalit-patil 2
अमली पदार्थ तस्कर ललित पाटीलविरुद्ध सात हजार पानांचे आरोपपत्र, पाटीलला ससूनमधून बाहेर जाण्यास ‘याने’ केली मदत
carrier mantra
करिअर मंत्र

हेही वाचा : सकाळी ७ वाजता सुरू होते उरण शहरात वाहतूक कोंडी, शालेय विद्यार्थी, चाकरमानी त्रस्त

याशिवाय जुईनगर येथील एका बँकेच्या लॉकरमध्ये दरोडा टाकणाऱ्यांनी बँक नजीकचा एक गाळा भाड्याने घेत किराणा दुकान थाटले होते. तेथून भुयार पडून बँक लॉकर खोलीत पोहचले होते. हा दरोडा जगभर गाजला होता. कामोठे येथेही सोन्याच्या पेढी शेजारी गाळा घेत आरोपीने फळांचे दुकान थाटले होते. एके दिवशी रात्री भिंत फोडून दुकानात प्रवेश करून सर्व सोने आणि रोकड घेऊन आरोपी पळून गेला होता. अशा अनेक घटनेत भाडेकरूची पुरेशी माहिती ना पोलिसांना देण्यात आली होती ना मालकांनी स्वतः घेतली होती. त्यामुळे तपास कामात अडथळे निर्माण झाले होते.

हेही वाचा : नवी मुंबई महापालिकेची अद्ययावत संगणकीय प्रणाली ९ महिन्यात!

अनेकदा गुन्हा करण्यासाठी तात्पुरती जागा भाड्याने घेणाऱ्यांना पोलिसांची कुणकुण लागताच किंवा आपले इप्सित साध्य होताच, गुन्हेगार परागंदा होतात. अशा वेळी पोलीस तपास कामात अडथळा निर्माण होतो. दुसरीकडे ना हरकत प्रमाणपत्र देण्यासाठी काही कर्मचाऱ्यांकडून ‘चिरीमिरी’ची अपेक्षा ठेवली जात असल्याचाही आरोप केला जातो. हे  टाळण्यासाठी आता ना हरकत प्रमाणपत्र ऐवजी भाडेकरूची पूर्ण माहिती व फोटो नजीकच्या पोलीस ठाण्यात जमा करणे अनिवार्य करण्यात आले आहे.

विवेक पानसरे ( पोलीस उपायुक्त परिमंडळ एक) आता ना हरकत प्रमाणपत्राची गरज नाही . मात्र भाडेकरूची पूर्ण माहिती व फोटो नजीकच्या पोलीस ठाण्यात जमा करावे.  

Latest Comment
View All Comments
Post Comment

Navimumbai News (नवी मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: In navi mumbai renting house police noc not required but submitting tenant information id card to police is mandatory css

First published on: 23-08-2023 at 11:43 IST

आजचा ई-पेपर : नवी मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×