महाराष्ट्र एज्युकेशन सोसायटीचे माजी चिटणीस आणि गरवारे वाणिज्य महाविद्यालयाचे माजी प्राचार्य दामोदर चिंतामण गोखले (वय ७९) यांचे दीर्घ आजाराने नुकतेच निधन झाले. त्यांच्या पश्चात पत्नी, मुलगा, मुलगी, सून, जावई आणि नातवंडे असा परिवार आहे.
गोखले जून १९८५ ते १९९४ या कालावधीत मएसोच्या चिटणीसपदी कार्यरत होते. १९८५ ते नोव्हेंबर १९९५ या काळात ते गरवारे वाणिज्य महाविद्यालयाचे प्राचार्य म्हणून कार्यरत होते. १९८३ ते १९९५ या काळात आयएमसीसीचे संचालक म्हणून त्यांनी काम पाहिले आहे. बारामतीतील म.ए.सो. विद्यालयाच्या ‘महामात्र’ पदीही ते कार्यरत होते. गोखले यांनी संस्थेमध्ये विविध पदांवर काम केले आहे. १९६९ पासून ते संस्थेचे आजीव सदस्य होते. निवृत्तीनंतरही संस्थेच्या विविध कार्यक्रमांमध्ये त्यांचा सहभाग होता.
लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
First Published on March 27, 2014 2:30 am
