05 March 2021

News Flash

लोणवळ्यामध्ये दुहेरी हत्याकांड, विद्यार्थ्यांमध्ये उसळली संतापाची लाट

महाविद्यालयात शिकणाऱ्या युवक आणि युवतीची निर्जन स्थळी हत्या करण्यात आली आहे

या हत्येच्या निषेधार्थ विद्यार्थ्यांनी मोर्चा काढला

लोणवळ्यात युवक आणि युवतीचा मृतदेह आढळल्याने खळबळ उडाली आहे. लोणवळ्यातील भुशी धरणाजवळ त्यांचे मृतदेह आढळले आहेत. सार्थक वाकचौरे आणि श्रुती डुंबरे या दोघा विद्यार्थ्यांची हत्या करण्यात आली. त्यांच्या या हत्येनंतर विद्यार्थ्यांमध्ये संतापाची लाट उसळली असून आरोपींना त्वरित अटक करा अशी मागणी करण्यात येत आहे. त्यासाठी विद्यार्थ्यांनी मेणबत्ती मोर्चाचे आयोजन केले आहे.

हे दोघेही विद्यार्थी सिंहगड महाविद्यालयात अभियांत्रिकीचे शिक्षण घेत होते. दोघे जण रविवारपासून बेपत्ता होते. तेव्हापासून त्यांचा शोध घेतला जाऊ लागला होता. सोमवारी दुपारी दोन ते अडीचच्या सुमारास एक व्यक्ती त्या ठिकाणाहून जात असताना त्याला दोघांचे मृतदेह आढळले. या प्रकाराची माहिती त्याने पोलिसांना दिली. त्यानंतर पोलीस तत्काळ घटनास्थळी हजर झाले. हत्येचे कारण अद्याप स्पष्ट झाले नाही. दोघांच्या शरीरावर गंभीर जखमा आहेत.  मुलीचे हातपाय बांधून ठेवण्यात आले होते. या प्रकारामुळे सिंहगड महाविद्यालयातील विद्यार्थ्यांच्या मनात भीतीचे वातावरण निर्माण झाले आहे. आरोपींना त्वरित अटक करावे अशी मागणी त्यांनी केली आहे.

तपास मोहीमेला सुरुवात

या हत्येची माहिती मिळताच पोलिसांकडून मारेकऱ्यांचा शोध घेण्यासाठी आठ पथके तयार करण्यात आली आहे. पोलिसांकडून लोणावळा भागातील सराईत चोरट्यांची चौकशी करण्यास सुरुवात झाली आहे. संशयित मारेकऱ्यांचा शोध घेण्यास विशेष मोहीम राबविण्यात येत आहे.  महाविद्यालयीन तरुण, तरुणीचे खून झाल्याचे उघडकीस येताच कोल्हापूर परिक्षेत्राचे विशेष पोलीस महानिरीक्षक विश्वास नांगरे पाटील, पोलीस अधीक्षक सुवेझ हक, अतिरिक्त अधीक्षक राजकुमार शिंदे मंगळवारी लोणावळ्यात आले. त्यांनी तातडीने लोणावळा भागातील सराईत चोरट्यांची चौकशी करण्याच्या सूचना दिल्या.

मित्र मैत्रिणींकडे चौकशीला

या गुन्ह्याचा उलगडा करण्यासाठी तांत्रिक तपास सुरू करण्यात आला आहे. सार्थक आणि श्रुती यांनी मोबाइलवरुन साधलेला संपर्क त्यांच्या फेसबुक खात्यांची पोलिसांकडून पाहणी करण्यात आली. त्यांच्या मित्र-मैत्रिणींकडे चौकशी करण्यात येत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 4, 2017 9:03 pm

Web Title: lonavala double murder case singhgad college students killed in lonavala
Next Stories
1 भाजपच्या संघर्ष यात्रेचा मीही साक्षीदार, त्याबद्दल न बोललेलंच बरं: धनंजय मुंडे
2 ‘आईस्क्रीम’मुळे मुंबई-पुणे महामार्गावरील वाहतूक ‘गोठली’!
3 पिंपरीत घरफोडी, चेन स्नॅचिंग प्रकरणातील ४ संशयित ताब्यात; ४ लाखांचा ऐवज हस्तगत
Just Now!
X