01 March 2021

News Flash

स्वामी अग्निवेश यांचे मोहन भागवतांना खुल्या चर्चेचे आव्हान

भाजपाला २०१९ च्या सार्वत्रिक निवडणुकीत अवघ्या १५० जागा मिळतील, अशी भविष्यवाणी स्वामी अग्निवेश यांनी केली आहे.

देशात झालेल्या पोटनिवडणुकीत भाजपाविरोधात नागरिकांनी मतदान केले आहे. त्यामुळे भाजापला २०१९ च्या सार्वत्रिक निवडणुकीत अवघ्या १५० जागा मिळतील, अशी भविष्यवाणी स्वामी अग्निवेश यांनी केली आहे. (संग्रहित छायाचित्र)

देशात झालेल्या पोटनिवडणुकीत भाजपाविरोधात नागरिकांनी मतदान केले आहे. त्यामुळे भाजपाला २०१९ च्या सार्वत्रिक निवडणुकीत अवघ्या १५० जागा मिळतील, अशी भविष्यवाणी स्वामी अग्निवेश यांनी केली आहे. त्याचबरोबर त्यांनी राष्ट्रीय स्वयंसेवक संघाचे प्रमुख मोहन भागवत यांना खुल्या चर्चेचे आव्हान दिले आहे. हिंदू धर्म धोक्यात असल्याचे भासवून काही जण मतांचे ध्रुवीकरण करत असल्याचा आरोपही त्यांनी केला. पुण्यात एका कार्यक्रमासाठी आले असता माध्यमांशी संवाद साधताना त्यांनी भाजपाबाबत आपली भूमिका मांडली.

स्वामी अग्निवेश म्हणाले की, केंद्रातील सरकार विरोधात सर्व सामान्य नागरिकांमध्ये मोठ्या प्रमाणावर रोष पाहण्यास मिळत आहे. त्याचा परिणाम देशातील काही भागात भाजपाविरोधात मतदान झाल्याने तिथे त्यांना पराभवला सामोरे जावे लागले आहे. ज्या भाजपाने २०१४ च्या निवडणुकीत बहुमताचा आकडा पार केला होता. त्यांना बहुमताच्या निम्या संख्येजवळ जाणे देखील कठीण होणार असल्याचे त्यांनी म्हटले.

हिंदू धर्म धोक्यात असल्याचे भासवून काही लोक मतांचे ध्रुवीकरण करत आहेत. हिंदू धर्म हा धोक्यात नसून त्याची योग्यरित्या चिकित्सा होणे गरजेचे आहे. यासाठीच मी मोहन भागवतांना खुल्या चर्चेचे आव्हान करतो, असे ते म्हणाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 9, 2018 4:24 pm

Web Title: swami agnivesh challenges to rss chief mohan bhagwat for open discussion
Next Stories
1 आरक्षणासह विविध मागण्यांसाठी मुस्लिम समाजाचा पुण्यात मूक महामार्चा
2 सत्ताधाऱ्यांकडून हिंसक घटनांना प्रोत्साहन, स्वामी अग्निवेश यांची भाजपावर टीका
3 गुटखा खाणे अंगलट; मुंबई-पुणे एक्सप्रेस वेवर तरुणाचा अपघात
Just Now!
X