पुण्यात करोनाचे २७६ नवे रुग्ण तर पिंपरीत ९८ नवे रुग्ण

पुण्यात पाच जणांचा मृत्यू तर पिंपरीत तिघांचा करोनामुळे मृत्यू

(संग्रहित छायाचित्र)

पुणे शहरात आज दिवसभरात नव्याने २७६ रुग्ण आढळल्याने १ लाख ६४ हजार ३४१ एवढी रुग्ण संख्या झाली आहे. तर आज दिवसभरात पाच रुग्णांचा मृत्यू झाला आहे. त्यामुळे आज अखेर ४ हजार ३७३ रुग्णांचा मृत्यू झाला आहे. करोनावर उपचार घेणार्‍या ३६७ रुग्णांची तब्येत ठणठणीत असल्याने, त्या सर्वांना घरी सोडण्यात आले आहे. त्यामुळे आज अखेर १ लाख ५५ हजार ५९२ रुग्ण करोना मुक्त झाले असल्याची माहिती पुणे महापालिकेच्या आरोग्य विभागा मार्फत देण्यात आली आहे.

पिंपरी-चिंचवड शहरात आज दिवसभरात ९८ करोना बाधित रुग्णांची नोंद झाली असून उपचारादरम्यान तीन जणांचा मृत्यू झाला आहे. तर ७२ जण करोनामुक्त झाले आहेत. पिंपरी-चिंचवड शहरातील एकूण बाधित रुग्णांची संख्या ८९ हजार ३८१ वर पोहचली असून पैकी, ८६ हजार ३४७ जण करोनातून ठणठणीत बरे झाले आहेत. पिंपरी-चिंचवड महानगर पालिकेच्या रुग्णालयात उपचार घेत असलेल्या सक्रिय रुग्णांची संख्या ६४३ एवढी आहे अशी माहिती महानगर पालिकेच्या आरोग्य विभागाने दिली आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व पुणे बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: 276 new corona cases in pune and 98 new cases in pimpri scj 81 svk 88 kjp

ताज्या बातम्या