लोणावळा : मुंबई- पुणे राष्ट्रीय महामार्गावर शिलाटणे गावाजळ भरधाव ट्रकने दुचाकीला धडक दिल्याने सहप्रवासी महिला आणि तीन वर्षांच्या बालकाचा मृत्यू झाल्याची घटना घडली. अपघातात दुचाकीस्वार गंभीर जखमी झाला असून त्याच्यावर रुग्णालयात उपचार सुरू आहेत.

पुष्पा पवन शर्मा आणि त्यांचा तीन वर्षांचा मुलगा युवराज अशी अपघातात मृत्युमुखी पडलेल्यांची नावे आहेत. अपघातात दुचाकीस्वार पवन गंभीर जखमी झाले असून त्यांच्यावर रुग्णालयात उपचार सुरू आहेत. शिलाटणे फाटा परिसरातून दुचाकीस्वार पवन, त्यांची पत्नी पुष्पा आणि मुलगा युवराज जात होते. त्या वेळी अवजड ट्रकने (ट्रेलर) दुचाकीला धडक दिली. अपघातात पुष्पा आणि त्यांचा मुलगा युवराज यांचा मृत्यू झाला. गंभीर जखमी झालेल्या दुचाकीस्वार पवन यांना पोलिसांनी रुग्णालयात दाखल केले.

This quiz is AI-generated and for edutainment purposes only.

या प्रकरणी लोणावळा ग्रामीण पोलीस ठाण्यात ट्रक चालका विरोधात गुन्हा दाखल करण्यात आला असून पोलीस कर्मचारी शरद जाधवर तपास करत आहेत.