पुणे : देशभरात आगामी लोकसभा निवडणुकीच्या पार्श्‍वभूमीवर प्रत्येक पक्षाकडून उमेदवार जाहीर करण्यात आले असून पुणे लोकसभा निवडणुकीत चौरंगी लढत पाहण्यास मिळणार आहे. त्यामध्ये भाजपने माजी महापौर मुरलीधर मोहोळ यांना संधी दिली आहे. तर महाविकास आघाडीकडून आमदार रवींद्र धंगेकर, वंचित बहुजन आघाडीकडून वसंत मोरे, एमआयएमकडून माजी नगरसेवक अनिस सुंडके यांना उमेदवारी मिळाली आहे. या चार ही उमेदवारांच्या प्रचाराला सुरुवात देखील झाली आहे. या निवडणुकीच्या काळात प्रत्येक उमदेवार आपल्या प्रतिस्पर्धी उमेदवारावर टीका करताना दिसत आहे. त्यातच काँग्रेस पक्षाचे पुणे शहराध्यक्ष अरविंद शिंदे यांनी एमआयएम ने पुण्यात उमदेवार जाहीर केल्यानंतर एमआयएम या पक्षाच्या कार्यपद्धतीवर गंभीर आरोप केले आहेत.

त्या पार्श्वभूमीवर काँग्रेस पक्षाचे पुणे शहराध्यक्ष अरविंद शिंदे यांच्याशी संवाद साधला असता ते म्हणाले की, पुणे लोकसभेचे भाजपचे उमेदवार मुरलीधर मोहोळ यांना पराभव दिसत आहे. त्यामुळे आता काही उमेदवार उभे केले जात आहे. त्याच दरम्यान एमआयएमने अनिस सुंडके यांना उमेदवारी दिली आहे. एमआयएम या पक्षाला जो समाज मतदान करतो. त्या समाजातील नागरिकांना मागील काही निवडणुकीतील अनुभव पाहिल्यावर समजले आहे की, एमआयएमला मतदान केल्यावर भाजपचा उमेदवार निवडून येतो. आपल्या मतांचे विभाजन होते. त्यामुळे आजवर एमआयएमला जो समाज मतदान करित आला आहे तो यापुढे मतदान करणार नाही. या निवडणुकीत काँग्रेस पक्षाच्या उमेदवाराला मतदान करेल आणि यंदा मतांचं विभाजन होणार नसल्याचा विश्वास यावेळी त्यांनी व्यक्त केला.

What Bhai Jagtap Said?
भाई जगताप यांचं मोठं वक्तव्य, “मी काँग्रेस पक्षासाठी ४३ वर्षे दिली आहेत, आता…”
What Poonam Mahajan Said?
भाजपाने तिकिट कापल्यानंतर पूनम महाजन यांची पहिली प्रतिक्रिया, म्हणाल्या, “मी…”
devendra fadnavis uddhav thackeray
“अमित शाह तुला म्हणाले दोन मोठी…”, उद्धव ठाकरेंनी फडणवीसांचा एकेरी उल्लेख करत सांगितलं शहांच्या मातोश्री भेटीवेळी काय घडलं?
Sharad Pawar On Eknath Khadse join Bjp
एकनाथ खडसेंच्या भाजपा प्रवेशावर शरद पवारांचं मोठं विधान; म्हणाले, “नाईलाजाने…”
BJP Maharashtra To Be Washed Out NDA TO Loose In More Than 10 States
महाराष्ट्रासह ‘या’ १० राज्यांत भाजपाचा धुव्वा उडवणार इंडिया आघाडी? सर्वेक्षणातील माहितीत ‘ही’ मोठी चूक
narendra modi shinde fadnavis reuters
फडणवीसांना डावलून शिंदेंना मुख्यमंत्री का केलं? पंतप्रधान मोदींनी सांगितली भाजपाची रणनीती
What Sharad Pawar Said?
शरद पवारांचं वक्तव्य, “रामाच्या मंदिरात सीतेची मूर्ती का नाही?, महिलांची नाराजी…”
Controversial statements of Deputy Chief Minister Ajit Pawar again
उपमुख्यमंत्री अजित पवार यांची पुन्हा वादग्रस्त वक्तव्ये; तीव्र प्रतिक्रिया उमटताच सारवासारव

हेही वाचा : ‘आयसर’च्या प्रवेश प्रक्रियेत बदल… आता कशी होणार प्रवेश परीक्षा?

तसेच ते पुढे म्हणाले की, कोणताही राजकीय पक्ष किंवा संघटना असल्यावर काही तरी शहरात काम दिसते. पण मागील दोन वर्षांत किमान पुणे शहरात एमआयएमचे काही तरी काम दिसले असते. मात्र आता निवडणुका आल्यावर ते उमेदवार आणतात. एमआयएमला पुणे शहरात उमेदवार मिळत नाही. त्यामुळे त्यांना बाहेरचा उमेदवार आणावा लागला आहे. त्यामुळे एमआयएमचा उमेदवार म्हणजे भाजपची बी टीम असल्याचे सांगत त्यांनी एमआयएम पक्षाच्या नेतृत्त्वाच्या कार्यपद्धतीवर टीका केली.