सेट परीक्षेला ८२ टक्के विद्यार्थ्यांची उपस्थिती

विद्यापीठ अनुदान आयोगाच्या मार्गदर्शक तत्त्वांनुसार सावित्रीबाई फुले पुणे विद्यापीठातर्फे महाराष्ट्र आणि गोवा या राज्यांतील विद्यापीठ, महाविद्यालयातील सहायक प्राध्यापक पदाच्या पात्रतेसाठी सेट परीक्षा आयोजित करण्यात येते. त्यानुसार मुंबई, पुणे, कोल्हापूर, नाशिक, जळगाव, औरंगाबाद, नांदेड, अमरावती, नागपूर, चंद्रपूर, गडचिरोली, रत्नागिरी, परभणी, नंदुरबार आणि गोवा अशा एकूण १८ शहरांमधील २५६ केंद्रांवर परीक्षा आयोजित करण्यात आली.

अर्ज केलेल्या १ लाख १० हजार ४१२ विद्यार्थ्यांपैकी ९० हजार ४४६ विद्यार्थ्यांनी परीक्षा दिली. कला, विज्ञान, वाणिज्य, सामाजिक शास्त्र, विधी, व्यवस्थापन शिक्षण आणि शारीरिक शिक्षण अशा विविध शाखांमधील एकूण ३२ विषयांसाठी ही परीक्षा घेण्यात आली.