पुणे : राज्यातील लाखो पालक आरटीई प्रवेशासाठी निवडयादीच्या प्रतीक्षेत आहेत. मात्र या संदर्भातील न्यायालयीन प्रकरणाची पुढील सुनावणी जुलैमध्ये होणार असून, आरटीई प्रवेशाच्या निवडयादीसाठी पालकांना आणखी वाट पहावी लागणार असल्याचे स्पष्ट झाले आहे. प्राथमिक शिक्षण संचालनालयातर्फे राज्यातील ९ हजार २१७ शाळांतील १ लाख ५ हजार ३९९ जागांसाठी आरटीई प्रवेश प्रक्रिया राबवण्यात येत आहे. त्यात २ लाख ४२ हजार ९७२ अर्ज दाखल झाले आहेत. जागांपेक्षा जास्त अर्ज दाखल झाल्याने शिक्षण विभागाने सोडत काढली. अनेक शाळांनी प्रवेश प्रक्रिया पूर्ण केल्याने आता २५ टक्के राखीव जागांवर प्रवेश देण्याचा प्रश्न निर्माण झाला आहे. शिक्षण विभागाने आरटीई कायद्यात केलेला बदल, झालेल्या प्रवेशांना संरक्षण या बाबत खासगी शाळा, संघटनांकडून याचिका दाखल करण्यात आल्या आहेत.

याचिकाकर्ते शरद जावडेकर म्हणाले, की आरटीई २५ टक्के आरक्षणाच्या संदर्भात ९ फेब्रुवारी २०२४ रोजी शालेय शिक्षण व क्रीडा विभागाने राजपत्राद्वारे अधिसूचना काढून प्रवेश प्रक्रियेत बदल केला होता. या बदलास अखिल भारतीय समाजवादी अध्यापक सभा आणि मूव्हमेंट फॉर पीस जस्टीस फॉर सोशल वेल्फेअर यांनी अनुक्रमे जनहित याचिका, रिट याचिका मुंबई उच्च न्यायालयात दाखल केली होती. या याचिकेवरी ६ मे रोजीच्या सुनावणीत शिक्षण विभागाने केलेल्या बदलास न्यायालयाने स्थगिती दिली. कल्याण सिटीझन्स एज्युकेशन सोसायटी, मुंबई, असोसिएशन ऑफ इंडियन स्कूल्स, मुंबई व श्री चाणक्य एज्युकेशन सोसायटी, पिंपरी चिंचवड यांनी हस्तक्षेप याचिका मुंबई उच्च न्यायालयात दाखल केली आहे. या सर्व याचिकांवर एकत्रित १८ जून रोजी सुनावणी झाली. न्यायालयाने हस्तक्षेप याचिका दाखल करून घेत तीनही संस्थाना त्यांचे म्हणणे मांडण्यासाठी दहा दिवसाची मुदत दिली. तसेच या संस्थांच्या प्रतिपादनावर जनहित याचिकाककर्ते, शासनाला त्यांचे म्हणणे मांडण्यासाठी नंतरचे दहा दिवस देण्यात आले आहेत. पुढील सुनावणी ११ जुलै रोजी होणार आहे. परिणामी, आरटीई प्रवेश लांबणीवर पडणार आहेत

loksatta shaharbat Some basic questions along with RTE admissions pune
शहरबात: आरटीई प्रवेशांबरोबरच काही मूलभूत प्रश्न…
RTE, RTE admissions, RTE Selection list,
आरटीई प्रवेशांचा मार्ग मोकळा, निवडयादी, प्रतीक्षा यादी कधी?
‘आरटीई’तील दुरुस्तीबाबत निर्णय पुढील आठवड्यात; सरकारच्या दाव्यावर न्यायालयाचे प्रश्नचिन्ह | Decision on amendment in RTE next week Court questions government claim Mumbai
‘आरटीई’तील दुरुस्तीबाबत निर्णय पुढील आठवड्यात; सरकारच्या दाव्यावर न्यायालयाचे प्रश्नचिन्ह
192 schools in Mumbai approved by RTE Mumbai
मुंबईतील १९२ शाळांना आरटीईची मान्यता; उर्वरित शाळांना पुर्नमान्यता देण्याची कार्यवाही सुरु
thane, Protests, Protests Erupt in Thane against RTE Mandated Free Materials, right to education, Private Schools Fail to Provide RTE Mandated Free Materials, RTE Mandated Free Materials,
ठाणे : पाठ्यपुस्तके, गणवेशवाटपास खासगी शाळांचा नकार, ‘आरटीई’च्या विद्यार्थ्यांच्या नशिबी यंदाच्या वर्षीही प्रतीक्षा
Anvyarth Right to Education Act Bombay High Court RTE
अन्वयार्थ: ‘कल्याणकारी’ चेहऱ्यास ‘आरटीई’ने चपराक
Jay Shah on Rohit Sharma captaincy
टी-२०तून निवृत्ती घेतल्यानंतर रोहित शर्माच्या कर्णधारपदाबाबत जय शाह यांची मोठी घोषणा; म्हणाले, “यापुढे तो…”
mumbai high court marathi news
मुंबई उच्च न्यायालयाचा मोठा निर्णय; RTE प्रवेशाबाबतचा ‘तो’ अध्यादेश रद्द करत राज्य सरकारला फटकारलं!