डोंबिवली : मध्य रेल्वे मार्गावर मुंबईहून कल्याणच्या दिशेला जाणारी लोकल वाहतूक गुरूवारी दुपारी गर्दीच्या वेळी विस्कळीत झाली. कल्याण-ठाकुर्ली दरम्यान जलद मार्गावर धावणाऱ्या एका लोकलच्या पेंटाग्राफमध्ये बिघाड झाल्याने रेल्वे सेवा विस्कळीत झाली. रेल्वेच्या तांत्रिक कर्मचाऱ्यांनी युद्धपातळीवर काम सुरू करून दुरूस्ती केली. तोपर्यंत जलद मार्गावरील सर्व गाड्या धीम्या मार्गावरती वळवण्यात आल्या होत्या. त्यामुळे लोकलसह लांब पल्ल्याच्या गाड्यांच्या डोंबिवली, दिवा कल्याण रेल्वे स्थानक भागात रांगा लागल्या होत्या.

कल्याण-ठाकुर्ली रेल्वे स्थानकांदरम्यान ही घटना घडली. मुंबईहून कल्याण आणि कल्याणहून मुंबईकडे जाणाऱ्या रेल्वे वाहतुकीवर त्याचा परिणाम झाला. या तांत्रिक कारणामुळे मध्य रेल्वेची वाहतूक अनिश्चित वेळेत धावत होती. मुंबईहून कर्जत आणि कसाऱ्याकडे जाणारी वाहतुक काही काळ खोळंबली होती. मुंबईकडे जाणाऱ्या लोकल आणि लांब पल्ल्याच्या गाड्या जागोजागी खोळंबल्या होत्या.

Railway traffic, disrupted, pole,
मुलुंड ठाणे स्थानकादरम्यान पोल पडल्याने रेल्वे वाहतूक विस्कळीत, रस्त्यावरील वाहतूक ठप्प
Mega block on Central and Western Railway on Sunday
Mega Block Update: रविवारी मध्य, पश्चिम रेल्वेवर ब्लॉक
Due to malfunction in the signal system between Asangaon and Gaon station the train service was stopped for four and a half hours
सिग्नल यंत्रणेत बिघाड; साडेचार तास रेल्वेसेवा ठप्प; आसनगाव-आटगाव स्थानकादरम्यानची घटना
Two railway gates closed between Satara-Sangli Road traffic will be closed for some time
सातारा-सांगलीदरम्यान दोन रेल्वे फाटक बंद; रस्ते वाहतूक काही काळ बंद राहणार
Special trains will run from Panvel to Margaon and Sawantwadi
मुंबई : पनवेल ते मडगाव, सावंतवाडी विशेष रेल्वेगाड्या धावणार
Netravati Express in Konkan will be delay for entire month of May mega block on Konkan Railway
संपूर्ण मे महिना कोकणातील नेत्रावती एक्स्प्रेस रखडणार, कोकण रेल्वेवर मेगाब्लॉक
two ac local trains canceled due to technical glitches on central railway
मध्य रेल्वेवरील वातानुकूलित लोकलचा खोळंबा; दोन वातानुकूलित लोकल फेऱ्या रद्द, प्रवाशांच्या पासचे पैसे वाया
Dombivli, poultry farm, Kopar railway station
डोंबिवली जवळील कोपर रेल्वे स्थानकालगत हरितपट्ट्यात कोंबड्यांचा खुराडा, रेल्वे प्रवाशांमध्ये तीव्र नाराजी

हेही वाचा : भिवंडीत कपिल पाटील यांना कट्टर विरोधक सुरेश म्हात्रे यांचे आव्हान

दुपारच्या सुमारास मध्य रेल्वेच्या जलदगती मार्गावर कल्याण ते ठाकुर्ली स्थानकादरम्यान लोकलच्या पेंटाग्राफमध्ये अचानक बिघाड झाल्याने या मार्गावरील लोकल वाहतूक ठप्प झाली. रेल्वे प्रशासनाने तंत्रज्ञांच्या साह्याने पेंटाग्राफच्या दुरूस्तीचे काम हाती घेतले. युद्धपातळीवर काम सुरू करण्याआधी दुसऱ्या इंजिनच्या साह्याने ही लोकल हटविण्याचे काम सुरू केले. अनेक चाकरमान्यांनी रेल्वे मार्गावर उतरून पायपीट करत इच्छित स्थळ गाठले. संध्याकाळी बिघाड दुरूस्त केल्यानंतर या मार्गावरील वाहतूक पूर्ववत झाल्याचे रेल्वे सूत्रांकडून सांगण्यात आले. उन्हाच्या त्रासामुळे प्रवासी त्रस्त झाले होते. मधल्या दोन-तीन तासांच्या कालावधीत लोकल प्रवाशांना त्रासाला सामोरे जावे लागले. लांब पल्ल्यांच्या गाड्यांमधील प्रवासी देखिल बेजार झाले होते.