Viral Video : लहान मुलांचे सोशल मीडियावर अनेक मजेशीर व्हिडीओ व्हायरल होत असतात. काही व्हिडीओ इतके मजेशीर असतात की पोट धरुन हसायला येते. तुम्ही लहान मुलांना मजामस्ती करताना पाहिले असेल किंवा हसताना किंवा रडताना पाहिले किंवा एखाद्या गोष्टीचा हट्ट करताना पाहिले असेल. खरं तर लहान मुले खूप हट्टी असतात. त्यांना जर एखादी गोष्ट आवडली असेल किंवा हवी असेल तर ते ती गोष्ट मिळवण्यासाठी खूप हट्ट करतात पण एका मुलीने अशा गोष्टीचा हट्ट केला आहे, की तुम्हीही कल्पनाही करू शकणार नाही. सध्या या चिमुकलीचा व्हिडीओ सोशल मीडियावर तुफान व्हायरल होत आहे. या व्हिडीओमध्ये ही चिमुकली रडत रडत आईकडे “मला नवरा पाहिजे” असा हट्ट करताना दिसत आहे. हा व्हिडीओ पाहून कोणीही अवाक् होईल.
व्हायरल व्हिडीओ
या व्हायरल व्हिडीओमध्ये तुम्हाला चिमुकली रडताना दिसेल. तेव्हा कॅमेरा पकडून असलेले व्यक्ती (कदाचित चिमुकलीचे बाबा असावेत) ते चिमुकलीला विचारतात की तुला काय पाहिजे? तेव्हा ती रडत रडत “नवरा” म्हणते. त्यानंतर तिची आई तिला समजावते आणि म्हणते, “अगं नवरा पाहिजे तुला, तु आधी मोठी तर हो.. आत्तु सारखा नवरा पाहिजे ना तुला.. आत्तु मोठी झाली बाळा” हा व्हिडीओ पाहून तुम्हालाही हसू आवरणार नाही. चिमुकलीचा हा हट्ट पाहून तुम्हीही डोकं धराल. सध्या हा व्हिडीओ चांगलाच व्हायरल होत आहे.
natkhat_nayu या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “नवरा पाहिजे, नवरा आता कुठून आणून देऊ” या व्हिडीओवर अनेक युजर्सनी प्रतिक्रिया दिल्या आहेत. एका युजने लिहिलेय, “निरागसता” तर एका युजरने लिहिलेय, “हा व्हिडीओ जपून ठेवा ती मोठी झाली की दाखवा” आणखी एका युजरने मजेशीरपण लिहिलेय,”काकी तिला भवरा पाहिजे असेल खेळायला आणि तुम्ही नवरा समजत आहेत” या व्हिडीओवर अनेक युजर्सनी हसण्याचे इमोजी शेअर केले आहेत.
