“जबाबदारी वय पाहून येत नाही!” दिव्यांग आजोबांची तीन चाकी सायकल दोरीने ओढत नेतोय ‘हा’ चिमुकला, VIDEO व्हायरल

सोशल मीडियावर लहान मुलांचे खेळण्याचे, नाचतानाचे किंवा मजा मस्ती करतानाचे अनेक व्हिडीओ तुम्ही पाहिले असाल पण हा व्हिडीओ पाहून कदाचित तुमच्या डोळ्यांमध्ये पाणी येऊ शकते. परिस्थिती माणसाला सर्व काही शिकवते. चिमुकला संघर्ष पाहून तुम्हीही भावूक व्हाल.
या व्हायरल व्हिडीओमध्ये तुम्हाला दिसेल की आजोबाला तीन चाकी सायकलमध्ये बसवून दोरीने ओढत नेताना एक चिमुकला दिसत आहे. चिमुकल्याचे वय खूप कमी असल्यामुळे त्याला तीन चाकी सायकलमध्ये आजोबाला बसवून ओढत नेताना त्रास होत असावा पण तो अजिबात चेहऱ्यावर दाखवत नाही. तो खूप मनापासून हे काम करताना दिसतो. सध्या हा व्हिडीओ चांगलाच व्हायरल होत आहे.

हेही वाचा : ‘आनंदी कसं राहावं, यांच्याकडून शिकावं’ शोरुमच्या बाहेर स्त्यावर बसून टिव्ही पाहताहेत चिमुकले, व्हिडीओ पाहून डोळ्यात येईल पाणी

zindagi.gulzar.h या अकाउंटवरुन हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “हा व्हिडीओ पाहून रडायला आले” या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “देव यांना सर्व सुख देवो, ही प्रार्थना” तर एका युजरने लिहिलेय, “यालाच जीवन म्हणतात” काही युजर्सनी व्हिडीओ काढणाऱ्या व्यक्तीवर टीका केली आहे. व्हिडीओ काढण्यापेक्षा चिमुकल्याची मदत करायला पाहिजे होती, असे युजर्स म्हणाले. काही युजर्सनी या व्हिडीओवर रडण्याचे इमोजी शेअर केले आहेत.