scorecardresearch

Premium

पठ्ठ्याने १२ वर्षे घाम गाळला अन् चक्क जमिनीखाली बांधली दुमजली इमारत; आनंद महिंद्रा Video शेअर करीत म्हणाले, “शिल्पकार…”

या व्यक्तीने ही अनोखी भूमिगत इमारत बांधण्यासाठी तब्बल १२ वर्षे खर्च केली. आता ही इमारत पाहण्यासाठी दूरवरून लोक येत आहेत.

anand mahindra lauds up man constructs underground two storeyed house with eleven rooms watch
१२ वर्ष घाम गाळला अन् पठ्ठ्यानं चक्क जमिनीच्या खाली बांधली २ मजली इमारत, आनंद महिंद्रा Video शेअर करत म्हणाले, "शिल्पकार…" (@anandmahindra twitter)

उत्तर प्रदेशमधील हरदोईमध्ये एका कारागीराने कुदळ, फावडे वापरून, चक्क जमिनीखाली दुमजली घर बांधले आहे. यासंबंधीचा व्हिडीओ सध्या सोशल मीडियावर तुफान व्हायरल होत आहे. काहीतरी हटके करण्याची आवड असलेल्या या कारागीराने १२ वर्षांपासून हे घर बांधण्यासाठी मेहनत घेतली. किल्ल्यासारख्या बांधलेल्या या इमारतीमध्ये ११ खोल्या, एक मशीद, अनेक पायऱ्या, एक गॅलरी व एक ड्रॉइंग रूम आहे. वास्तुशिल्पाचा हा उत्कृष्ट नमुना इरफान ऊर्फ पप्पू बाबा यांनी साकारला आहे. या अवलिया कारागीराचे उद्योगपती आनंद महिंद्रा यांनीही कौतुक केले आहे. आनंद्र महिंद्रा यांनी एक ट्विट शेअर करीत कारागीराला ‘शिल्पकार’, असे म्हटले आहे.

महिंद्रा ग्रुपचे चेअरमन आनंद्र महिंद्रा यांनी ट्विट करीत म्हटले की, हरदोई नामक एका व्यक्तीनं १२ वर्षांची मेहनत घेऊन, दुमजली भूमिगत घर बांधले आहे. ही गोष्ट अद्वितीय असून, खूपच सुंदर अशी आहे. तो माणूस एक शिल्पकार आहे. त्याच्यासारखे आणखी अनेक कल्पक व उत्कृष्ट असे वास्तुविशारद हवे आहेत.

The owner had a heated argument with the stubborn guard to take the dog into the elevator
Video : कुत्र्याला लिफ्टमध्ये घेऊन जाण्यासाठी मालकाचा हट्ट… पहारेकरी सोबत झालं जोरदार भांडण
Bengaluru Temple Decorated With Currency Notes Worth Rs 2.5 Crore
VIDEO: बापरे! २ कोटींच्या नोटा आणि ५० लाखांची नाणी, बाप्पासाठी बंगळुरुत केली अनोखी सजावट
Expansion Pune Railway Station started
प्रवांशासाठी खूशखबर! पुणे रेल्वे स्थानकाचे विस्तारीकरण सुरू
man sets temporary bed under trucks sleeps peacefully during journey watch viral video
आयुष्यात एवढी रिस्क…! काकांनी चालत्या ट्रकच्या खाली झोपण्यासाठी बनवला आरामदायी बेड; जुगाड Video पाहून युजर्स म्हणाले…

इरफान यांच्या म्हणण्यानुसार, त्यांनी २०११ मध्ये ही भूमिगत इमारत बांधण्यास सुरुवात केली. तेव्हापासून आजतागायत ते मोठ्या उत्साहाने सतत त्यात काही ना काही गोष्टी तयार करीत आहेत. या इमारतीची रचना त्यांनी अगदी राजमहालासारखी केली असून, इमारतीत ठिकठिकाणी नक्षीकाम केले आहे. कुदळीच्या साह्याने केलेले कोरीव काम पाहून एखाद्या प्राचीन राजवाड्याची अनुभूती येते.

या किल्ल्याप्रमाणे बांधलेल्या इमारतीला दोन दरवाजे आहेत. एका दरवाजातून प्रवेश करता येतो; तर दुसऱ्या दरवाजातून बाहेर जाता येते. प्रवेशद्वारातून आत गेल्यावर मातीच्या पायऱ्या करून २० फूट खोल मशीदही बांधलेली पाहायला मिळेल. जिथे बसून इरफान नमाज अदा करतात. त्याशिवाय २० फूट खोल जमिनीत त्याने मोठा हॉल आणि राहण्यासाठी खोल्यादेखील बनवल्या आहेत. तसेच खांबाच्या साह्याने त्यांनी एक तिरंगा ध्वजही बनवला आहे. या मातीच्या भूमिगत इमारतीमध्ये २० फूट खोलीतून वर येण्यासाठी आणि बाहेर पडण्यासाठी त्यांनी पायऱ्याही बनवल्या आहेत.

इरफान यांच्या म्हणण्यानुसार, ही भूमिगत इमारत ज्या जमिनीवर बांधलीय, ती जमीन त्यांच्याच नावावर आहे. एके दिवशी त्यांना वाटलं की, यावर काहीतरी बनवलं पाहिजे. मग त्यांनी एकट्यानंच कुदळ, फावडं घेऊन ही इमारत बनवण्याचं काम सुरू केलं. त्यात हळूहळू त्यांचा रस वाढत गेला. या कामात त्यांनी स्वत:ला इतकं झोकून दिलं की, त्यांना खाणं, पिणं, घर या सगळ्या गोष्टी निरर्थक वाटत होत्या. त्यात त्यांची १२ वर्षं कशी गेली हेही समजलं नाही. हळूहळू ही किल्ल्यासारखी इमारत उभी राहिली.

काही दिवसांपूर्वी इरफान यांनी मातीपासून बनवलेल्या भूमिगत इमारतीचा व्हिडीओ सोशल मीडियावर व्हायरल केला होता. जो पाहिल्यानंतर लोक ती इमारत पाहण्यासाठी गर्दी करीत आहेत. त्यांनी इमारतीच्या बाजूला वेगवेगळी झाडं-झुडपं लावली आहेत. त्यामुळे या इमारतीच्या आजूबाजूला नयनरम्य दृश्य पाहायला मिळत आहे.

Latest Comment
View All Comments
Post Comment

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Anand mahindra lauds up man constructs underground two storeyed house with eleven rooms watch sjr

First published on: 15-09-2023 at 18:54 IST

संबंधित बातम्या

मराठी कथा ×