Viral Video of Accident : सोमवारी भोपाळच्या बाणगंगा चौकात एक मोठा रस्ता अपघात घडला घडला आहे स्कुल बसचे नियंत्रण सुटले आणि सिग्नलवर उभ्या असलेल्या ८ वाहनांना धडक दिली. या अपघातात एका तरुण महिला इंटर्न डॉक्टरचा मृत्यू झाला आणि इतर सहा जण जखमी झाले, त्यापैकी दोघांची प्रकृती गंभीर आहे, असे टीटी नगर पोलिसांनी येथील सांगितले.
पोलिस स्टेशनचे प्रभारी सुधीर अरजारिया यांनी फ्रिप्रेस जर्नलला दिलेल्या माहितीनुसार, रोशनपुरा चौकातून बाणगंगा चौकाकडे येणाऱ्या बसने ब्रेक निकामी झाल्यामुळे नियंत्रण गमावले आणि वाहतूक सिग्नलवर वाट पाहणाऱ्या किमान आठ वाहनांना धडक दिली.
प्रत्यक्षदर्शींनी सांगितले की, सिग्नलवर सुमारे १०-१२ वाहने थांबली होती तेव्हा अचानक बस मागून आली. टक्कर होण्यापूर्वी चालक “बाजूला व्हा, बाजूला व्हा” असे ओरडत होता. इशारा देऊनही तो वेळेवर वाहन थांबवू शकला नाही. अपघातानंतर, बस चालकाने गाडी सोडून पळ काढला.
महिलेला ५० फूट ओढत नेले (Woman dragged 50 feet)
पोलिसांनी दिलेल्या माहितीनुसार, जीव गमावलेल्या महिलेचे नाव बीएएमएस डॉक्टर आयेशा खान असे आहे. मुल्ला कॉलनीतील रहिवासी आयेशा जेपी हॉस्पिटलमध्ये इंटर्नशिप करत होती. तिथून घरी परतत असताना तिचा अपघात झाला.
व्हिडिओमध्ये भानपूर क्रॉसिंगवर सिग्नलजवळ वाहने उभी असल्याचे दिसून येते. अचानक मागून एक स्कूल बस वेगाने येते आणि तेथे थांबलेल्या वाहनांना धडकते. स्कूटरवर बसलेल्या एका महिलेला बसने थेट धडक दिली. ती बसच्या पुढच्या भागात अडकली आणि सुमारे ५० फूट ओढली गेली. अखेर, तिची स्कूटर बसखालून बाहेर फेकली गेली, पण ती पुढच्या चाकाखाली आली आणि तिचा जीव गेला.
जखमींना जवळच्या रुग्णालयात दाखल करण्यात आले असून, त्यापैकी दोघांची प्रकृती गंभीर आहे. पोलिसांनी चालकाचा शोध सुरू केला आहे आणि वाहनात यांत्रिक बिघाड आहे का याची तपासणी केली जात आहे, असे टीआय अराजरिया यांनी सांगितले.
