IPL 2024 : सध्या देशभरात आयपीएलची क्रेझ पाहायला मिळतेय, प्रत्येक जण आपल्या आवडत्या संघाचा लाईव्ह सामना पाहण्यासाठी संध्याकाळची वाट पाहत असतो. यात सध्या सोशल मीडियावर चेन्नई सुपरकिंग्ज संघाचा माजी कर्णधार एम. एस. धोनीसंदर्भात दोन बॅनरचे फोटो व्हायरल होत आहेत. या बॅनरमधून लखनौच्या चाहत्यांनी धोनीकडे एक खास मागणी आणि इच्छा व्यक्त केली आहे. याचे फोटो सोशल मीडियावर व्हायरल झाल्यानंतर धोनीच्या चाहत्यांनीही त्यावर कमेंट करण्यास सुरुवात केली आहे. पण, या बॅनर्सवर नेमके काय लिहिले आहे आणि धोनीचे चाहते काय कमेंट्स करत आहेत पाहू….

धोनीसाठी खास चौका-चौकात लावले बॅनर

सध्या सोशल मीडियावर दोन बॅनरचे फोटो व्हायरल होत आहेत. यातील एका फोटोतील बॅनरवर लिहिले आहे की, “धोनीने चांगले खेळावे आणि मॅच एलएसजीने जिंकावी, असे आम्हाला वाटते.” दुसरा फोटो लखनऊ सुपर जायंट्सच्या अधिकृत हँडलवरून शेअर करण्यात आला आहे. या फोटोमध्ये दिसत असलेल्या बॅनरवर लिहिले आहे की, “जेव्हा शेवटच्या बॉलवर विजयासाठी १२ धावांची गरज असेल तेव्हा धोनीने षटकार मारावा.” या दोन्ही बॅनरच्या कोपऱ्यात सामना क्रमांक लिहिला आहे. १९ एप्रिल रोजी चेन्नई आणि लखनऊ यांच्यात ३४ वा सामना खेळवला जाणार आहे, म्हणून ३+४=७ असे लिहून ते ‘Thala for a reason’ असे लिहिले आहे.

आणखी वाचा

धोनी आयपीएल २०२५ मध्ये खेळणार की नाही? जिवलग मित्र सुरेश रैना एकाच शब्दात म्हणाला…; पाहा VIDEO

हा फोटो पाहिल्यानंतर धोनीच्या चाहत्यांनीही कमेंट करायला सुरुवात केली आहे. लखनऊच्या अधिकृत हँडलवरून शेअर केलेल्या फोटोवर बहुतेक चाहत्यांनी कमेंट केल्या आहेत. एका युजरने लिहिले की, …आणि त्याचा शेवट नो-बॉलने होणार. दुसऱ्या युजरने लिहिले की, शेवटचा चेंडू नो बॉल असावा. आणखी एका युजरने लिहिले की, तो धोनी आहे, तो शेवटच्या चेंडूवर १२ धावाही काढू शकतो.