Iran Hijab Protest: इराणी तरुणींनी पर्शियन भाषेत गायलं Bella Ciao; कारणही तितकंच खास, पाहा Viral Video

१६ सप्टेंबर रोजी समीन आणि बेहीन बोलौरी यांनी इंस्टाग्रामवर हे बेला चाओ कव्हर शेअर केले होते, याच दिवशी महसा अमिनी हिचा रुग्णालयात मृत्यू झाला होता. बोलौरी बहिणींनी शेअर केलेल्या इंस्टाग्राम पोस्टला दोन लाखांहून अधिक व्ह्यूज मिळाले आहेत. पत्रकार हबीब खान यांनी हा व्हिडीओ ट्विटरवर देखील पोस्ट केला असून याला पाच लाखाहून अधिक व्ह्यूज आहेत.

दरम्यान, या व्हायरल व्हिडिओवर अनेकांनी कमेंट करून इराणी महिलांच्या अन्यायाच्या विरुद्ध लढ्याला समर्थन दिले आहे. अनेकांनी तर मला फारसी भाषा येत नाही पण या गाण्याची भावना मी समजू शकतो असे म्हणत बोलौरी बहिणींना पाठिंबा दर्शवला आहे .

पाहा इराणमधील निषेधाचा व्हायरल व्हिडीओ

इराणी तरुणी महसा अमिनी बाबत नेमकं काय घडलं?

जगभरातील प्रसारमाध्यमातुन समोर आलेल्या माहितीनुसार, महसा अमिनी या २२ वर्षीय तरुणीला हिजाब नीट परिधान न करण्यावरून अटक केली होती. अटकेच्या पश्चात अचानक या तरुणीची प्रकृती खालावली व ती कोमात गेली. यानंतर तिला तात्काळ इस्पितळात दाखल करण्यात आले. मात्र उपचारांच्या दरम्यान तिने आपला जीव गमावला. कट्टरपंथीय संस्कृतीरक्षकांनीच अमिनीचा जीव घेतला असल्याचा आरोप करत इराणमधील महिला संतापाने पेटून उठल्या आहेत.