scorecardresearch

Premium

मुजोर दुकानदाराला ग्राहकाने शिकवला धडा! तीन रुपये परत करण्यास दिला नकार, आता द्यावा लागणार २५ हजारांचा दंड

जागो ग्राहक जागो हे स्लोगन आपण लहानपणापासून ऐकत आलोय. तरीही खूप कमी ग्राहक आपल्या अधिकाऱ्यांबद्दल जागरुक नसल्याचे दिसते. पण ओडिशामधील एक जागरुक ग्राहकाने दुकानदाराच्या मुजोराविरोधात आपल्या अधिकारांची माहिती घेत थेट कोर्टात धाव घेत न्याय मिळवला.

jago grahak jago sambalpur xerox shop owner fined 25000 rupees for not returning 3 rupees after photocopy in odisha
मुजोर दुकानदाराला ग्राहकाने शिकवला धडा! तीन रुपये परत न करण्यास दिला नकार, आता द्यावा लागणार २५ हजारांचा दंड ( photo – indian express)

जेव्हा दुकानातून आपण काही वस्तू खरेदी करतो, तेव्हा दुकानदार सुट्टे पैसे देण्यास चिडचिड करतात. काही दुकानदार यावेळी सुट्ट्या पैश्यांऐवजी चॉकलेट देतात, तर काही सरळ सुट्टे पैसे परत देण्यास नकार देतात. अशाप्रकारे अनेक मुजोर दुकानदार सुट्टे पैशांच्या नावाखाली अनेक ग्राहकांची लूट करताना दिसतात. असेच एक प्रकरण ओडिशामधून समोर आले आहे, जे जाणून घेतल्यानंतर तुम्हाला यापुढे दुकानदाराकडून तुमचे सुट्टे पैसे मागण्याची भीती किंवा लाज वाटणार नाही.

एक ग्राहक फोटोकॉपी काढण्यासाठी संबळपूरला गेला होता. यावेळी एका कॉपीसाठी त्याला दोन रुपये खर्च आला म्हणून त्याने दुकानदाराला पाच रुपये दिले. मात्र, उरलेले तीन रुपये मागितल्यावर दुकानदार त्याच्याशी उद्धटपणे बोलला. यावेळी ग्राहकाने सर्व गोष्टी ऐकून घेत नंतर दुकानदाराविरोधात ग्राहक न्यायालयात खटला दाखल केला. यानंतर न्यायालयाने दुकानदाराला २५ हजार रुपयांचा दंड भरण्याचे आदेश दिले आहे

Bombay HC directs Maharashtra govt to handover land
आरोपीला अमर्यादित काळासाठी कारागृहात ठेवणे मूलभूत अधिकारांचे उल्लंघन; दुहेरी हत्याकांडातील आरोपीला जामीन
Jejuri Crime News
जेजुरीतल्या कडेपठारावर अल्पवयीन मुलीवर अत्याचाराचा प्रयत्न करणारा नराधम अटेकत, पोलिसांची कारवाई
nashik onion farmers agitation, nashik onion farmers upset with central government working process
कांदा व्यापाऱ्यांकडून सरकारची कोंडी; परवाने जमा, पर्यायी व्यवस्थेचा विचार
shahrukhkhan-controversy-jawan
‘जवान’च्या ‘त्या’ डायलॉगवर होणाऱ्या राजकारणाबद्दल शाहरुखने केलं वक्तव्य; म्हणाला “देशाच्या भल्यासाठी…”

नेमकं प्रकरण काय आहे?

मीडिया रिपोर्ट्सनुसार संबलपूर जिल्ह्यातील बुधराजा भागात राहणारा प्रफुल्ल दास २८ एप्रिल रोजी झेरॉक्सच्या दुकानात डॉक्युमेंटची फोटोकॉपी घेण्यासाठी गेला होता. यावेळी एका कॉपीची किंमत दोन रुपये होती, म्हणून त्याने दुकानदाराला पाच रुपये दिले. कायद्यानुसार दुकानदाराने दोन रुपये घेत उरलेले तीन रुपये परत करायला हवे होते. मात्र, दुकानदाराने उर्वरित पैसे परत करण्यास स्पष्ट नकार दिला. यावेळी प्रफुल्ल यांनी वारंवार आपले उर्वरित पैसे मागण्याचा प्रयत्न केला, पण दुकानदाराने त्यांना शिवीगाळ करत पैसे परत करण्यास नकार दिला. यावेळी संतापलेल्या प्रफुल्ल यांनी ग्राहक न्यायालयात दुकानदाराविरुद्ध दावा दाखल केला.

दंड वेळेत न भरल्यास आकारले जाणार ९ टक्के व्याज

या प्रकरणावर २६ सप्टेंबर रोजी सुनावणी पार पडली. यावेळी ‘ग्राहक विवाद निवारण आयोगा’ने एक आदेश दिला. या आदेशानुसार, आरोपीला तक्रारदाराकडून झेरॉक्स फी म्हणून घेतलेले तीन रुपये आणि मानसिक त्रास देत छळ केला त्याची भरपाई म्हणून दुकानदाराने ३० दिवसांच्या आत तक्रारदाराला २५ हजार रुपये परत करण्याचे निर्देश दिले आहेत.

याशिवाय दुकानमालकाने दिलेल्या मुदतीत दंड न भरल्यास या रकमेवर दरवर्षी ९ टक्के दराने व्याज आकारण्यात येईल, असेही आदेशात नमूद करण्यात आले आहे. एवढेच नाही तर या निर्णयात न्यायालयाने ग्राहकांचे हक्क अबाधित ठेवण्याच्या आणि व्यावसायिक व्यवहारांमध्ये निष्पक्ष व्यवहार सुनिश्चित करण्यावर भर दिला आहे.

Latest Comment
View All Comments
Post Comment

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Jago grahak jago sambalpur xerox shop owner fined 25000 rupees for not returning 3 rupees after photocopy in odisha sjr

First published on: 29-09-2023 at 17:31 IST

संबंधित बातम्या

मराठी कथा ×