‘गावरान तडका…’ शाळेच्या मैदानात विद्यार्थ्यांनी धरला हलगीच्या तालावर ठेका; VIDEO पाहून नेटकरी म्हणाले, “कोल्हापुरातील हलगी डान्स…”

सोशल मीडियावर लहान मुलांचे अनेक व्हिडीओ व्हायरल होत असतात, ज्यातील एखादाच व्हिडीओ खूप चर्चेत येतो. याच चर्चेत असलेल्या व्हिडीओंमुळे त्या व्हिडीओतील लहान मुलंदेखील चर्चेत येतात. नुकत्याच काही दिवसांपूर्वी कोल्हापुरातील हुपरीच्या एका सहा वर्षांच्या चिमुकल्याचा व्हिडीओ सोशल मीडियावर चांगलाच व्हायरल झाला होता, ज्यामध्ये तो हालगीवर ठेका धरताना दिसला होता. या चिमुकल्याच्या व्हिडीओ पाहिल्यानंतर अनेकांनी त्याचे कौतुक केले. दरम्यान, आता याच चिमुकल्याने त्याच्या शाळेतील एका कार्यक्रमातही ठेका धरल्याचे दिसत आहे.

विद्यार्थ्यानी धरला ठेका? (Viral Video)

हा व्हिडीओ कोल्हापुरातील एका प्राथमिक शाळेतील असून या व्हायरल व्हिडीओमध्ये तुम्ही पाहू शकता, शाळेतील काही विद्यार्थी हलगीच्या तालावर जबरदस्त डान्स करताना दिसत आहेत. यावेळी प्रत्येक जण जमेल तसा डान्स करत असून प्रत्येकाच्या चेहऱ्यावर सुंदर एक्स्प्रेशन्स पाहायला मिळत आहेत. तसेच हलगीच्या डान्समुळे प्रसिद्ध झालेला छोटा चिमुकलादेखील नाचण्यात गुंग झाल्याचे दिसत आहे. सध्या या विद्यार्थ्यांचा हा व्हिडीओ खूप व्हायरल होत आहे.

हा व्हिडीओ इन्स्टाग्रामवरील @bsl_memes_19 या अकाउंटवर शेअर करण्यात आला असून यावर आतापर्यंत एक मिलियनहून अधिक व्ह्यूज मिळाल्या असून, यावर ९० हजारांहून अधिक लाइक्स मिळाल्या आहेत. तसेच यावर अनेक युजर्स कमेंट्सदेखील करत आहेत.

हेही वाचा: ‘काकी जरा थांबा…’ महिलांचा योगा पाहून नेटकरी चक्रावले; VIDEO पाहून माराल कपाळावर हात

पाहा व्हिडीओ:

युजर्सच्या कमेंट्स चर्चेत

या व्हायरल व्हिडीओवर एका युजरने लिहिलंय की, “याच्यासाठी मराठी शाळेमध्ये शिक्षण घ्यायला लागतंय”, तर दुसऱ्या युजरने लिहिलंय की, “जिल्हा परिषद मराठी शाळा”, तर तिसऱ्या युजरने लिहिलंय की, “हा हलगी डान्सर कृष्णराज वायंगुडे आहे. रातोरात फेमस झालंय हे बाळ”, तर चौथ्या युजरने लिहिलंय की, “हीच पोरं पुढे व्यवसाय करतात आणि पुढे जातात, कारण त्यांच्यात हिंमत असते, लोक काय म्हणतील याचा ते विचार नाही करत.”