”नवऱ्याच्या जीवावर बसून चालतं नाय”, पाणीपुरी विकणाऱ्या मराठमोळ्या काकूंचे विचार ऐकून तुम्हीही व्हाल थक्क! एकदा व्हिडिओ पाहाच

पाणीपुरी विक्रेत्या महिलेचा व्हिडिओ व्हायरल

सध्या व्हायरल होत असलेला व्हिडिओ एका पाणीपुरी विक्रेत्या महिलेचा आहे जो sandeshdanielvlogs नावाच्या इंस्टाग्राम अकाऊंटवर संदेश डॅनिअल नावाच्या व्यक्तीने शेअर केला आहे. व्हिडिओमध्ये हा व्यक्ती आजकालच्या माहिलांना काय सांगाल असे विचारतो त्यावर उत्तर देताना काकू म्हणतात की ”प्रंपच म्हटलं की, दोन चाक आहे नवऱ्या बायकोची. ही एक गाडी हाय दोघांनी पण ओढलं तर प्रंपच पुढे जातो. ‘नवऱ्याच्या जीवावर बसून चालत नाही…आम्ही हाय अडाणी…शिकलेले लोक नोकरी करतात. आम्ही काय करायचं ….म्हणून हे काम करतो. नवऱ्याला आधार दिला त प्रपंच पुढे सरतयं. बायकांनी पण राबावं, कष्ट केल्याशिवाय पचत नाही. कष्ट करत राहावं.”

हेही वाचा – वर्षाला १ कोटी पगार, ६ आठवड्याची सुट्टी! काम फक्त कुत्र्याला सांभाळायचं! अब्जाधीश कुटुंब शोधतेय केअर टेकर, अट इतकीच की…

काकूंच्या विचारांनी महिलांनी दिली प्रेरणा

काकूंचे हे विचार ऐकूण अनेकांना प्रेरणा मिळाली आहे. आजच्या काळात महिलांनी स्वावलंबी का असलं पाहिजे, कष्ट करून चार पैसे का कमावले पाहिजे हे एका अशिक्षित महिलेला देखील समजते पाहून लोकांना त्यांचे फार कौतूक वाटत आहे. कित्येकांनी कांकूचे भरभरून कौतूक केले आहे. काकूंचे विचार ऐकून कित्येकांनी ‘काकू तुम्ही अडाणी नाही’असे म्हटले आहे तर काहींनी, ”तुमचे विचार ऐकून सुशिक्षितांनाही लाज वाटेल” असे सांगितले आहे.

हेही वाचा – ‘एक टमाटर की कीमत….’, टोमॅटोच्या वाढत्या दरावर Twitter पडला मीम्सचा पाऊस! पाहा नेटकऱ्यांच्या भन्नाट प्रतिक्रिया

नेटकऱ्यांनी काकूंचे केलं भरभरून कौतूक

एकाने व्हिडिओवर प्रतिक्रिया दिली केली की, ”अडाणी जे असतात ज्यांचे विचार खराब असतात…..मावशी तुमचे विचार तर सुशिक्षित अडाणी लोकांना पण लाजवेल… अश्या विचारांमुळेच हे स्वराज्य आज पण थोर विचारवंतांचा महाराष्ट्र म्हणून ओळख आहे.” तर दुसऱ्याने लिहिले की, ”अप्रतिम, तुम्ही अडाणी नाहीत काकू…..” तर तिसऱ्याने कमेंट केली, ”आई तुम्ही अडाणी नाहीत…. तुम्ही शिकलेल्या लोकांसाठी तुम्ही उदाहरण आहात. आज काही लोक शिकून ही काही करत नाहीत…”

हेही वाचा – ‘आम्हाला का लाज वाटली पाहिजे?…. दिल्ली मेट्रोत कपलच्या ‘या’ कृत्यावर भडकली काकू, भांडणाचा Video व्हायरल!

ज्या महिला घर सांभळतात त्यांच्या कष्टांची तुलना करणे अशक्य आहेय. काहींनी काकूंच्या स्वावलंबी आणि कष्ट करण्याच्या विचारांचा मान ठेवत ज्या महिला घर सांभळतात त्यांच्या कष्टाचे कौतूक केले. एकाने म्हटले की, ”ज्या महिला घर चालवतात त्या सुद्धा कोणतीच अपेक्षा न ठेवता खूप राबत असतात आपल्या संसारासाठी बाकी या काकींसारख्या सर्वच महिलांना मानाचा मुजरा”

तुम्हाला हा व्हिडिओ कसा वाटला? काकूंचा विचारांवर तुमचे मत काय आहे…आम्हाला नक्की कळवा