आशिया चषकातील भारत आणि पाकिस्तानमधील तिसरा सामना अनिर्णित राहिला. नाणेफेक जिंकून रोहित शर्माने प्रथम फलंदाजीचा निर्णय घेतला. सुरुवातीच्या षटकांत भारताच्या चार विकेट्स गमावल्यानंतर ईशान किशन आणि हार्दिक पांड्याने भारताचा डाव सावरला. भारताने पाकिस्तानपुढे २६७ धावांचं आव्हान ठेवलं. पण पावसाने व्यत्यय आणल्याने भारत-पाकिस्तानमधील हाय होल्टेज सामना अनिर्णित राहिला.
या सामन्यानंतर एका पाकिस्तानी तरुणीचा व्हिडीओ सोशल मीडियावर तुफान व्हायरल होत आहे. ज्यामध्ये संबंधित तरुणी भारतीय फलंदाज विराट कोहलीवर स्तुतीसुमनं उधळताना दिसत आहे. संबंधित तरुणी खास विराट कोहलीची फलंदाजी पाहण्यासाठी पाकिस्तानहून श्रीलंकेत आली होती. पण विराट कोहली लवकर आऊट झाल्याने तिचा भ्रमनिरास झाला.
हेही वाचा- हार्दिक-इशानकडून पाकिस्तानची धुलाई सुरू असताना स्टेडियममध्ये राम नामाचा गजर, Video व्हायरल
व्हायरल व्हिडीओत संबंधित तरुणी म्हणाली, “विराट कोहली हा माझा आवडता खेळाडू आहे. मी खास त्याच्यासाठी इथे मॅच बघायला आले होते. तो शतक करेल, असं मला अपेक्षित होतं. पण माझा अपेक्षाभंग झाला. मी पाकिस्तान आणि विराट कोहली दोघांनाही पाठिंबा देत आहे.”
हेही वाचा- IND vs PAK: भारत-पाकिस्तान सामन्यात पावसाने मारली बाजी, बाबर आझमचा संघ सुपर-4 मध्ये दाखल
दरम्यान, एका पाकिस्तानी व्यक्तीने संबंधित तरुणीच्या बोलण्यात हस्तक्षेप केला आणि विराट कोहलीला सपोर्ट का करतीय? असं विचारलं यावर तरुणीने पाकिस्तानी व्यक्तीला सडेतोड उत्तर देत म्हणाली, “चाचा, शेजाऱ्यांवर प्रेम करणं चुकीचं तर नाही ना…”
विराट कोहली आणि बाबर आझम यांच्यात एकाला निवडावं लागलं तर कुणाला निवडशील? असं विचारताच संबंधित तरुणीने ‘विराट कोहली’चं नाव घेतलं. या पाकिस्तानी तरुणीचा व्हिडीओ सोशल मीडियावर तुफान व्हायरल होत आहे.
