Tiger Disturbs Tigress During Her Nap : वाघ हा निशाचर प्राणी असल्याने रात्रीच्या वेळी ते त्यांची शिकार करतात. याचा अर्थ असा की ते दिवसभर झोपतात. बंदिवासात वाढलेले वाघ जंगली वाघांप्रमाणे दिवसाचे १८ ते २० तास झोपतात. वाघ हा एकटा राहणारा प्राणी आहे आणि एकटाच शिकार करतो. वाघिणी बछड्यांना सोबत घेऊन शिकार करत असते. कारण तिला आपल्या बछड्यांना आपल्या शिकारीवर नियंत्रण कसं ठेवायचं हे शिकवायचं असतं. साहजिकच वाघिण शिकार करून आपल्या बछड्यांचे संगोपन करत असेल तर तिला सदैव सतर्क राहावे लागते. सोशल मीडियावर वाघिणीचा एक व्हिडीओ व्हायरल होत आहे. या व्हिडीओमधली वाघिण दुपारची झोप घेताना दिसतेय. वाघिण दुपारच्या गाढ झोपेत असताना अचानक वाघ तिची खोड काढू लागतो. तिला जाणूनबुजून त्रास देऊ लागतो. मग काय वाघिण खवळते आणि चिडून तिने वाघाला जी अद्दल घडवली ती पाहून यापुढे हा वाघ कोणाचीही खोड काढताना शंभर वेळा विचार करेल. आणखी वाचा : Facts About Indian Railway: भारतीय रेल्वेशी संबंधित ‘या’ गोष्टी तुम्हाला आश्चर्यचकित करतील! हा व्हिडीओ एका प्राणीसंग्रहालयातला असल्याचं दिसून येतंय. एक लहान मुलगा या प्राणीसंग्रहालयात फिरताना दिसतोय. काचेच्या पलीकडे वाघ आणि वाघिण बाजुला बसलेले दिसत आहेत. हा लहान मुलगा वाघ आणि वाघिणींना पाहून जवळ जाऊ लागतो. इतक्यात या वाघ-वाघिणींचं भांडण लागतं आणि ते पाहून हा लहान मुलगा तिथून पळून जातो. शांतपणे विश्रांती घेत असलेल्या वाघिणीकडे वाघ जाताना दिसत आहे. वाघाचा तिला स्पर्श होताच ती त्याला चोख प्रत्युत्तर देण्यासाठी त्याच्यासमोर उडी मारते आणि वाघावर हल्ला करण्याचा प्रयत्न करते. वाघाला माहित आहे की, त्याने केलेल्या कृत्यामुळे वाघिणीला आणखी राग येऊ शकतो, म्हणून तो मागे हटतो. मग वाघिण वाघावर जोरजोरात डरकाळी फोडते आणि त्याच्यावर आपल्या पंजांनी हल्ला करण्याचा प्रयत्न करते. आणखी वाचा : सेम टू सेम लहान बाळासारखा रडतो हा पक्षी, VIRAL VIDEO पाहूनही तुमचा विश्वास बसणार नाही! इथे पाहा हा व्हायरल व्हिडीओ : https://twitter.com/BornAKang/status/1571892873020293122?ref_src=twsrc%5Etfw%7Ctwcamp%5Etweetembed%7Ctwterm%5E1571892873020293122%7Ctwgr%5E7845f127f937595f1e0f9607622c957a7fe84e4a%7Ctwcon%5Es1_&ref_url=https%3A%2F%2Fwww.india.com%2Fviral%2Fviral-video-tiger-disturbs-tigress-during-her-nap-taught-lesson-sleeping-sherni-bagh-5644486%2F आणखी वाचा : भारतात समुद्रातून बांधलाय ‘वॉटर हायवे’? जाणून घ्या या VIRAL VIDEO मागचं सत्य वाघिण भडकलेली पाहून वाघ अक्षरशः उंदरासारखा नम्र होतो आणि गप एका तलावाजवळ जाऊन पाणी पिताना दिसतोय. हा व्हिडीओ पाहण्यासाठी फारच मजेदार आहे. वाघिण भडकल्यानंतर वाघाची जी अवस्था होते ती पाहून लोकांना हसू आवरत नाहीय. हा व्हिडीओ लोकांना फार आवडू लागलाय. हा व्हिडीओ पाहिल्यानंतर लोक तो पुढे सोशल मीडियावरील इतर प्लॅटफॉर्मवर शेअर करण्यास विसरत नाहीत. हा व्हिडीओ इतका व्हायरल झालाय की आतापर्यंत या व्हिडीओला १५ मिलियन इतके व्ह्यूज मिळाले आहेत. तर ५ लाख ८२ हजारांपेक्षा जास्त लोकांनी या व्हिडीओला लाईक केलंय. लोक या व्हिडीओवर भन्नाट कमेंट्स शेअर करू लागले आहेत. हा व्हिडीओ पाहण्यासाठी जितका मजेदार आहे त्याहूनही मजेदार या व्हिडीओवरील कमेंट्स आहेत.
