Divorce Rate Around The World : लग्न हे सर्वांत पवित्र नाते मानले जाते. पण, लग्न झाल्यानंतर काही दिवस फार आनंदात, सुखाचे जातात. त्यानंतर मात्र अनेकदा वैचारिक मतभेद सुरू होतात. अशा वेळी संसार टिकवून ठेवणे ही तारेवरची कसरत असते. या वादविवादानंतर प्रकरण घटस्फोटापर्यंत जाते. जगभरात दररोज कोट्यवधी लोक विवाहबंधनात अडकतात, तसेच अनेक लोक घटस्फोटही घेत असतात. असे केवळ भारतातच नाही, तर जगभरात घटस्फोटासंदर्भात हीच परिस्थिती आहे. पण, जगातील कोणत्या देशात घटस्फोटाचे प्रमाण जास्त आहे आणि यात भारताचा क्रमांक कितवा आहे ते जाणून घेऊ…

दरम्यान, World of Statistics या एक्स अकाउंटवरून वर्षभरात जगभरातील कोणत्या देशात किती घटस्फोट होतात यांची आकडेवारी दिली आहे. या आकडेवारीनुसार जगात दोन विवाहामागे एक घटस्फोट होत आहे. जगातील सर्वाधिक घटस्फोट होणाऱ्या देशांच्या यादीत पोर्तुगाल पहिल्या स्थानावर आहे. पोर्तुगालमध्ये ९४ टक्के लोकांचे घटस्फोट होतात. पण, पोर्तुगालमधील ही आकडेवारी २०२० या वर्षातील आहे.

hepatitis disease (1)
‘हेपिटायटिस’ या संसर्गजन्य आजारामुळे दररोज ३,५०० लोकांचा मृत्यू; हा आजार काय आहे? जाणून घ्या त्याची लक्षणे आणि उपाय
ring of fire
विश्लेषण : भूकंपप्रवण क्षेत्र म्हणून ओळखले जाणारे ‘रिंग ऑफ फायर’ नेमके कुठे आहे? या भागात सर्वाधिक भूकंप का होतात?
Anant Goenka and Minister Piyush Goyal
‘तेजांकित’ तरुणच देशाचे भविष्य, केंद्रीय वाणिज्यमंत्री पियूष गोयल यांचे प्रतिपादन; ‘लोकसत्ता तरुण तेजांकित’ विजेत्यांचे विशेष कौतुक
India is the third most polluted country in the world What are the potential dangers of this
विश्लेषण : भारत जगातील तिसरा सर्वाधिक प्रदूषित देश! यातून कोणते धोके संभवतात?

जगातील सर्वाधिक घटस्फोट घेणाऱ्या देशांमध्ये स्पेन दुसऱ्या क्रमांकावर आहे. स्पेनमध्ये २०२३ मध्ये ८५ टक्के लोकांचे लग्न मोडले. त्यामागोमाग तिसऱ्या क्रमांकावर येणारा देश आहे लक्ज्मेबर्ग. इथे ७९ टक्के घटस्फोट होतात. त्यानंतर रशिया (७३ टक्के), युक्रेन (७० टक्के), क्यूबा (५५ टक्के), फिनलँड (५५ टक्के) व बेल्जियम (५३ टक्के), अशी क्रमवारी आहे.

या आकडेवारीनुसार, नवव्या स्थानी स्वीडन देशाचे नाव आहे. स्वीडनमध्ये घटस्फोटाचे प्रमाण ५० टक्के आहे; तर फ्रान्स यात दहाव्या स्थानी आहे. फ्रान्समध्ये ५१ टक्के घटस्फोट होतात. दरम्यान, जगातील सर्वांत शक्तिशाली देश म्हणून ओळख असलेल्या अमेरिकेत घटस्फोटाचे प्रमाण ४५ टक्के आहे. तर, चीनमध्ये ४४ टक्के घटस्फोट होतात. यूकेमध्ये हे प्रमाण ४१ टक्के आहे.

शेवटच्या स्थानी भारत

चांगली गोष्ट म्हणजे घटस्फोटांच्या या यादीत भारत शेवटच्या स्थानी आहे. भारताआधी व्हिएतमानचे नाव घेतले जाते. व्हिएतनाममध्ये घटस्फोटाचे हे प्रमाण सात टक्के आहे; तर भारतात हेच प्रमाण केवळ एक टक्का आहे.