वसई : अनधिकृत इमारतींवरील कारवाई थंडावली, राडारोडा आणि मातीच्या ढिगार्‍यामुळे अडथळा

नालासोपारा पूर्वेच्या आचोळे येथे क्षेपणभूमी आणि सांडपाणी प्रक्रिया प्रकल्पासाठी आरक्षित असलेल्या जमिनीवर भूमाफियांनी ४१ अनधिकृत इमारती बांधल्या आहेत. या इमारतीत २ हजारांहून अधिक कुटुंबे राहत आहेत. मात्र सर्वोच्च न्यायालयाने या इमारती बेकायदेशीर असल्याचे ठरवून त्यावर कारवाई करण्याचे निर्देश वसई विरार महपालिकेला दिले होते. त्यानुसार गुरुवारपासून पोलीस बंदोबस्तात कारवाईला सुरुवात करण्यात आली होती.

आणखी वाचा

रत्नागिरी : गुहागर अंजनवेल जेटीवर डिझेल तस्करी करणाऱ्या नऊ जणांना पकडले, दोन कोटीपेक्षा जास्त किमतीचा मुद्देमाल जप्त

Ladki Bahin Yojna : लाडक्या बहिणींना २१०० रुपयांसाठी…

बकालीकरणाकडे…

शहरात ज्येष्ठ नागरिकांच्या फसवणुकीचे सत्र कायम, सिंहगड रस्ता, कोंढवा भागातील घटना

स्वारगेट भागात दोन दिवस वाहतूक बदल, मतदान साहित्याच्या वाहतुकीसाठी पीएमपी बस

अहेरीत आत्राम काका-पुतण्यात थेट लढत? अपक्षांमुळे प्रस्थापितांच्या मनात धाकधूक…

अन्यथा मते मागायला येणार नाही, असे उपमुख्यमंत्री अजित पवार का म्हणाले !

हेही वाचा – मध्य रेल्वेच्या वसई दिवा रेल्वे मार्गावरील वाहतूक जवळपास तीन तासांनी सुरळीत

पहिल्या दिवशी एकूण ७ इमारती पाडण्यात आल्या. या इमारती अतिधोकादायक (सी १) वर्गातील होत्या. त्यामुळे तेथील रहिवशांना बाहेर काढून कारवाई करण्यात आली होती. शुक्रवारी पुढील इमारतींवर कारवाई करण्यात येणार होती. मात्र शुक्रवारी कारवाई झाली नाही. पहिल्या दिवशी ७ इमारती पाडण्यात आल्या होत्या. त्याचा राडारोडा मोठ्या प्रमाणावर जमा झाला आहे. त्यामुळे कारवाईसाठी अडथळा निर्माण झाल्याने शुक्रवारची कारवाई स्थगित करण्यात आली आहे. राडारोडा उचलण्याचे काम सध्या सुरू आहे. तो उचलून परिसर मोकळा झाल्यानंतर पुढील इमारतींवर कारवाई केली जाईल, असे पालिकेचे उपायुक्त (अतिक्रमण) दिपक सावंत यांनी सांगितले.

हेही वाचा – वसई: नायगावमध्ये कार-ऑटोरिक्षाचा भीषण अपघात; रिक्षाचालक जागीच ठार, तर दोन प्रवासी व कारचालक जखमी

कारवाई झाली नसली तरी शुक्रवारी या परिसरात पोलिसांनी बंदोबस्त ठेवला होता. सर्वत्र माती, विटांचा ढिगारा, राडारोडा होता. आपल्या घरांची मातीमोल झालेली अवस्था पाहून रहिवाशी हळहळ व्यक्त करत होते. कारवाई सुरू झाल्याने रहिवाशांनी अन्यत्र आपले बस्तान हलविण्यास सुरुवात केली आहे. सोमवारी पुढील कारवाई होण्याची शक्यता आहे.