मुंबई, पुणे सारख्या महानगरात ट्रॅफिक जाममध्ये न अडकण्यासाठी फॉलो करा ‘या’ सोप्या Key Tips; जाणून घ्या सविस्तर

वृत्तवाहिन्यांद्वारे ट्रॅफिक रिपोर्ट्सची माहिती मिळवा.

कोणत्या रस्त्यावर गर्दी आहे; कोणत्या ठिकाणी वाहतूक कोंडी होऊ शकते किंवा गर्दी टाळण्यासाठी कोणत्या मार्गावरुन जाणए टाळावे अशा गोष्टींची माहिती अनेक स्थानिक वृत्तवाहिन्या देत असतात. रेडिओ चॅलन देखील ही माहिती देत असतात. ट्रॅफिक पोलिस आणि स्थानिक चॅनलचे सोशल मीडिया हॅंडल्स फॉलो करुन ट्रॅफिक रिपोर्ट्सची माहिती मिळवता येते. यावरुन कोणत्या रस्त्यावरुन जायचे आहे हे ठरवू शकता.

पर्यायी मार्ग जाणून घ्या.

गंतव्यस्थानी पोहचण्यासाठीच्या विविध मार्गांबद्दल जाणून घेतल्याने तुम्ही ट्रॅफिकमध्ये अडकणे टाळू शकता. जर एखाद्या रस्त्यावर वाहनांची गर्दी असेल, तर तुम्ही दुसऱ्या रस्त्यावरुन पुढे जाऊ शकता. पर्यायी मार्ग जाणून घेतल्याने तुम्ही गंतव्यस्थानापर्यंत लवकरात लवकर पोहचू शकाल.

Peak Hours मध्ये घराबाहेर जाणे टाळा.

सकाळी असंख्य लोक ऑफिसला जात असतात. हे लोक संध्याकाळी ऑफिसवरुन घरी येत असतात. त्याचप्रमाणे सकाळी मुलं शाळा, कॉलेजला जाण्यासाठी घराबाहेर पडत असतात. तेव्हा सकाळी आणि संध्याकाळी काही ठराविक तासांमध्ये रस्त्यावर भरपूर गर्दी असते. Peak Hours ला होणारा ट्रॅफिक जाम टाळण्यासाठी घरातून किंवा ऑफिसमधून थोड लवकर निघावे. तुम्ही प्रवासाचे योग्य नियोजन देखील करु शकता.

आणखी वाचा – जपानला मागे टाकत भारत बनला Automobile क्षेत्रातला तिसऱ्या क्रमांकाचा देश; नितीन गडकरी म्हणाले, “२०२८ पर्यंत आपण..”

Traffic apps ची मदत घ्या.

सध्या गुगल प्ले स्टोअरवर अनेक अ‍ॅप्स उपलब्ध आहेत, ज्यांच्यामार्फत ट्रॅफिकचे रिअल टाइम अपडेट्स मिळवता येतात. या अ‍ॅप्सचा मदतीने तुम्ही गर्दी असलेल्या जागी जाणे टाळू शकता.

आणखी वाचा – Hero HF Deluxe चे Canvas Black Edition झाले लॉन्च; ४ नव्या कलर व्हेरिएंट्ससह मिळणार अत्याधुनिक फिचर्स, किंमत आहे फक्त..

गरज नसल्यास वाहनाचा वापर कमी करा.

गाडी घेतल्यानंतर अनेकांना चालायला कंटाळा येतो. काही वेळेस वाहनाची इतकी सवय लागते, की लोक ५ मिनिटावर जाण्यासाठीही गाडी वापरतात. यामुळे ट्रॅफिक जाम होण्याची शक्यता वाढते. कधीकधी गाडी पार्क करताना इतरांना त्रास होतो. त्यामुळे गरज नसल्यास गाडीऐवजी पायी चालत गंतव्यस्थानी जा. शक्य असल्यास सायकलचा वापर करा.