Central Bank of India Recruitment 2025 : सरकारी बँकेत नोकरी शोधणाऱ्या उमेदवारांसाठी एक आनंदाची बातमी आहे. सेंट्रल बँक ऑफ इंडियामध्ये अप्रेंटिस पदासाठी मोठी भरती जाहीर केली आहे. या भरतीसाठीची अर्ज प्रक्रियादेखील सुरू झाली आहे, त्यामुळे पात्र आणि इच्छुक उमेदवार सेंट्रल बँक ऑफ इंडियाच्या अधिकृत वेबसाइट centralbankofindia.co.in ला भेट देऊन ऑनलाइन अर्ज करू शकतात. अर्ज करण्याची प्रक्रिया ७ जून २०२५ पासून सुरू झाली असून शेवटची तारीख २३ जून २०२५ पर्यंत आहे. इच्छुक उमेदवारांनी या तारखेला किंवा त्यापूर्वी अर्ज करावा.
तसेच या भरतीसाठीचे अर्ज शुल्क भरण्याची शेवटची तारीख २५ जून २०२५ आहे. ऑनलाइन परीक्षा जुलैच्या पहिल्या आठवड्यात घेतली जाईल. उमेदवार पात्रता, निवड प्रक्रियेची माहिती अधिकृत जाहिरातीत पाहू शकतात.
किती पदांसाठी भरती होणार?
सेंट्रल बँक ऑफ इंडियाच्या भरती प्रक्रियेअंतर्गत ४,५०० पदे भरली जातील.
शैक्षणिक पात्रता
या पदासाठी अर्ज करू इच्छिणाऱ्या उमेदवारांकडे भारत सरकारने मान्यता दिलेल्या विद्यापीठातून कोणत्याही शाखेतील पदवी किंवा केंद्र सरकारने मान्यता दिलेल्या कोणत्याही समकक्ष पात्रता असणे आवश्यक आहे.
वयोमर्यादा
अर्ज करणाऱ्या उमेदवारांची वयोमर्यादा २० ते २८ वर्षांच्या दरम्यान असावी. NATS पोर्टलवर नोंदणीकृत उमेदवार अर्ज करण्यास पात्र आहेत.
निवड प्रक्रिया
निवड प्रक्रियेमध्ये BFSI SSC द्वारे घेतली जाणारी ऑनलाइन परीक्षा आणि राज्याच्या स्थानिक भाषेत एका चाचणी परीक्षेचा समावेश आहे. विचारलेल्या प्रश्नांची संख्या १०० आहे आणि कमाल गुण १०० आहेत. वस्तुनिष्ठ चाचण्यांमध्ये चुकीच्या उत्तरांसाठी कोणतेही नकारात्मक गुण असणार नाहीत.
विशिष्ट राज्यातील प्रशिक्षण जागांसाठी अर्ज करणाऱ्या उमेदवारांना त्या राज्यातील विशिष्ट स्थानिक भाषांपैकी एका भाषेत प्रवीण (वाचन, लेखन, बोलणे आणि समजणे) असणे आवश्यक आहे.
उमेदवारांची सर्व कागदपत्रे पडताळणीनंतर गुणवत्ता यादीच्या आधारे नियुक्तीसाठी योग्य आढळलेल्या उमेदवारांना सरकारी अप्रेंटिसशिप पोर्टलद्वारे डिजिटल अप्रेंटिसशिप लेटर जारी केले जाईल.
अर्ज शुल्क
पीडब्ल्यूबीडी श्रेणीतील उमेदवारांसाठी अर्ज शुल्क ४००/- + जीएसटी आहे. एससी/एसटी/सर्व महिला उमेदवार/ईडब्ल्यूएस श्रेणीतील उमेदवारांसाठी अर्ज शुल्क ६००/- + जीएसटी आहे आणि इतर सर्व उमेदवारांसाठी अर्ज शुल्क ८००/- + जीएसटी आहे. पेमेंट ऑनलाइन पद्धतीने करावे लागेल.
उमेदवारांना सेंट्रल बँक ऑफ इंडियाच्या या भरती प्रक्रियेबाबत अधिक माहिती हवी असल्यास ते सेंट्रल बँक ऑफ इंडियाची अधिकृत वेबसाइट पाहू शकतात.
सेंट्रल बँक ऑफ इंडियाची अधिकृत वेबसाईट
www.centralbankofindia.co.in
