News Flash

मनमोहनसिंग हे ‘सरदार आणि असरदार’ही: नवज्योतसिंग सिद्धू

दहा वर्षांनंतर माझी 'घरवापसी' झाल्याचे ते म्हणाले.

Navjot singh sidhu: काँग्रेस महाअधिवेशनाच्या शेवटच्या दिवशी माजी क्रिकेटपटू आणि पंजाबचे मंत्री नवज्योतसिंग सिद्धू यांनी आपल्या चिरपरिचित शैलीत कार्यकर्त्यांसह नेत्यांची मने जिंकली.

काँग्रेस महाअधिवेशनाच्या शेवटच्या दिवशी माजी क्रिकेटपटू आणि पंजाबचे मंत्री नवज्योतसिंग सिद्धू यांनी आपल्या चिरपरिचित शैलीत कार्यकर्त्यांसह नेत्यांची मने जिंकली. त्यांच्या भाषणातील प्रत्येक वाक्याला टाळ्या मिळत होत्या. माजी पंतप्रधान मनमोहनसिंग यांची माफी मागत ते म्हणाले, तुम्हाला ओळखायला मला १० वर्षे लागली. मी माफी मागतो. मी गंगेत स्नान केलं सर, तुमच्या चरणांवर डोकं ठेऊन… तुम्ही सरदार आहात आणि असरदारही आहात. जे तुमच्या मौनानं करून दाखवलं, ते भाजपाच्या गोंधळानेही होऊ शकलं नाही. ही बाब मला दहा वर्षांनंतर समजली, अशा शब्दांत सिद्धूंनी मनमोहनसिंग यांचे कौतुक केले.

काँग्रेसचा पराभव झाला असेल तर तो एखाद्या नेत्यामुळे झाला. तुमच्यामुळे (कार्यकर्ता) नाही. तुम्ही तर सिकंदर आहात. तुम्ही शेरों के शर बब्बर शेर आहात. कार्यकता कधी एक्स किंवा माजी नसतो, असे ते म्हणाले.

पक्षाच्या ८४ व्या महाअधिवेशनात आर्थिक प्रस्तावावर बोलताना बहुतांश वक्त्यांना ३० मिनिटांचा वेळ देण्यात आला होता. पण सिद्धूंनी २० मिनिटेच भाषण केले. सिद्धूंच्या भाषणामुळे सभागृहात चैतन्य निर्माण झाले होते. त्यांनी पंतप्रधान नरेंद्र मोदी आणि भाजपावर थेट निशाणा साधला आणि काँग्रेसमध्ये आपली ‘घरवापसी’ झाल्याचे ते म्हणाले.

सिद्धूंनी काँग्रेसच्या संसदीय दलाच्या अध्यक्ष सोनिया गांधी यांच्यावरही स्तुतीसुमने उधळली. पुढच्यावर्षी लाल किल्ल्यावर राहुल गांधी झेंडावंदन करतील, असेही ते म्हणाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 19, 2018 11:48 am

Web Title: navjot singh sidhu says manmohan singh aap sardaar bhi hain aur asardaar bhi hain in congress plenary session
Next Stories
1 ‘वेट अँड वॉच!, अविश्वास ठरावावर उद्धवजी निर्णय घेतील’
2 ‘लाच घेणं मोठी गोष्ट नाही, मंत्र्यांनाही माहितीये’, नगरपालिका अध्यक्षांचा व्हिडीओ व्हायरल
3 मोदी सरकारची आज परीक्षा; टीडीपी, वायएसआर काँग्रेस दाखल करणार अविश्वास प्रस्ताव
Just Now!
X