जम्मू-काश्मीरच्या पूँछ जिल्ह्यात नियंत्रण रेषेवर पाकिस्तानी सैन्याने तुफान गोळीबार केला. या गोळीबारात सहावर्षाच्या मुलीचा मृत्यू झाला आहे. नऊ नागरीक या गोळीबारात जखमी झाले आहेत. आज सकाळपासून पाकिस्तानी सैन्याकडून भारतीय चौक्यांच्या दिशेने तुफान गोळीबार सुरु आहे.

शाहपूर आणि केरनी सेक्टरमध्ये पाकिस्तानी सैन्याकडून मोर्टार डागण्यात आल्याची माहिती संरक्षण दलाच्या प्रवक्त्याने दिली आहे. सर्तक असलेले भारतीय जवान पाकिस्तानच्या गोळीबाराला चोख प्रत्युत्तर देत आहे. एक नागरीक या गोळीबारात जखमी झाला असून त्याला जिल्हा रुग्णालयात दाखल करण्यात आले आहे.