News Flash

भारतात लसमान्यता प्रक्रियेस वेग देण्याची फायझरची मागणी

भारतातील कोविड १९ स्थितीमुळे आम्ही व्यथित आहोत. आमची सद्भावना तुमच्या पाठीशी आहे.

नवी दिल्ली : फायझर कंपनीच्या लशीला परवानगीबाबत भारत सरकारशी चर्चा चालू असून या कंपनीने परवाना प्रक्रियेची वेगाने अंमलबजावणी करण्याची मागणी केली आहे.

कंपनीचे प्रमुख अल्बर्ट बोरला यांनी सोमवारी सांगितले, की आम्ही भारताला ५१० कोटी रुपयांची औषधे देणगी म्हणून देत आहोत. कोविड १९ रुग्णांवरील उपचारासाठी ही औषधे उपयोगी येतील. फायझर इंडियाने भारतातील कर्मचाऱ्यांना पाठवलेल्या इमेल संदेशात म्हटले आहे,की भारतातील कोविड १९ स्थितीमुळे आम्ही व्यथित आहोत. आमची सद्भावना तुमच्या पाठीशी आहे. तुमचे आप्तच नव्हे, तर भारतीय लोक यांच्या वेदनेत आम्ही सहभागी आहोत. बोरला म्हणाले, की सध्या तरी फायझरच्या अमेरिका, युरोप, आशिया येथील वितरण केंद्रांच्या मार्फत फायझरच्या औषधांची मदत भारताला पाठवण्यात येणार आहे.

फायझर ही औषधे देणगी म्हणून पाठवणार आहे. या औषधांची किंमत ७ कोटी अमेरिकी डॉलर्स आहे. आम्ही सरकार व स्वयंसेवी संस्था यांच्याशी सहकार्याने काम करीत आहोत. भारत सरकारला कोविड १९ विरोधातील लढाईत ज्या औषधांची गरज आहे ती औषधे आम्ही पाठवित आहोत. फायझर फाउंडेशनच्या माध्यमातून मानवतावादी संघटनांच्या सहकार्याने जीवरक्षक औषधे पाठवण्यात येणार आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 4, 2021 1:47 am

Web Title: pfizer demand wants faster clearance for covid vaccine in india zws 70
Next Stories
1 कोविशिल्डच्या ११ कोटी मात्रांसाठी केंद्राकडून १७०० कोटी अदा
2 Coronavirus : देशात २४ तासांत ३,४१७ करोनाबळी
3 आपत्काळासाठी प्राणवायूचा राखीव साठा
Just Now!
X