News Flash

आमदारपुत्र शिपाई पदासाठी रांगेत

आपल्या पुत्राने आपला राजकीय वारसा पुढे चालवावा अशी बहुसंख्य राजकीय नेत्यांची इच्छा असते, मात्र राजस्थानातील आमदार याला अपवाद ठरले आहेत.

| March 22, 2015 04:14 am

आपल्या पुत्राने आपला राजकीय वारसा पुढे चालवावा अशी बहुसंख्य राजकीय नेत्यांची इच्छा असते, मात्र राजस्थानातील आमदार याला अपवाद ठरले आहेत. आपल्या पुत्राने त्याच्या पात्रतेनुसार आपला मार्ग निवडावा, असे या आमदाराचे म्हणणे आहे. भाजपचे आमदार हिरालाल वर्मा यांचा पुत्र हंसराज शुक्रवारी कृषी उपज मंडी येथे शिपाई पदासाठी मुलाखतीला आला होता.
हंसराज हा केवळ आठवी इयत्ताच शिकलेला असल्याने त्याने राजकारणात यावे आणि आपला वारसा चालवावा, अशी हिरालाल वर्मा यांची इच्छा नाही. तो शिपाई पदासाठी योग्य आहे, असे त्यांचे म्हणणे आहे आणि त्यामुळेच हंसराज शुक्रवारी कृषी उपज मंडी येथे शिपाई पदाची मुलाखत देण्यासाठी गेला होता.
हिरालाल वर्मा हे टोंक जिल्ह्य़ातून सलग दोनदा आमदार म्हणून निवडून आले आहेत. राजकारणात प्रवेश करण्यापूर्वी ते राज्य सरकारच्या सेवेत होते.  पुत्र शिकलेला नसल्याने त्याच्यासाठी शिपाई हेच काम योग्य आहे, त्याने आपल्या क्षमतेपेक्षा किंवा पात्रतेपेक्षा मोठे काम करू नये, अशी हिरालाल वर्मा यांची इच्छा आहे. आपला पुत्र निवाई येथे एका खासगी क्लिनिकमध्ये काम करीत आहे. तो किमान शालान्त परीक्षाही उत्तीर्ण न झाल्याने त्याच्यासमोर केवळ शिपाई पद हाच पर्याय उपलब्ध आहे, असे वर्मा यांनी म्हटले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 22, 2015 4:14 am

Web Title: rajasthan bjp mlas son in queue for peons job
Next Stories
1 ओवेसींच्या सभेला परवानगी नाकारली
2 ‘स्वच्छ भारत’ अभियान कृती दलाचे प्रमुखपद नाकारले – सिद्धरामय्या
3 पाकिस्तानबाबत केंद्र मवाळ काँग्रेसचा आरोप
Just Now!
X