News Flash

लस घेतली किंवा नाही, पण त्रिसूत्रीचे पालन महत्वाचे; केंद्राच्या वैज्ञानिक सल्लागारांचे मत

केंद्र सरकारचे प्रधान वैज्ञानिक सल्लागार के विजय राघवन यांनी कोविडच्या मार्गदर्शक तत्त्वांचे पालन करण्याचे आवाहन केले

संग्रहित फोटो

देशात करोना साथीच्या दुसऱ्या लाटेत गंभीर परिस्थिती निर्माण झाली आहे. करोनाची साखळी तोडण्यासाठी लसीकरण महत्वाचे असल्याचे तज्ञांनी सांगितले आहे. देशात आतापर्यंत १८ कोटीपेक्षा जास्त लोकांना करोना लसीचा डोस देण्यात आला आहे. मात्र लस घेतल्यानंतरही करोना मार्गदर्शक सूचनांचे पालन करणे आवश्यक आहे, असे तज्ञ वारंवार सांगत आहेत. अन्यथा संसर्गाचा धोका कायम राहील. दरम्यान, केंद्र सरकारचे प्रधान वैज्ञानिक सल्लागार के विजय राघवन यांनी लोकांना कोविडच्या मार्गदर्शक तत्त्वांचे पालन करण्याचे आवाहन केले.

लस घेतली किंवा नाही पण मास्क आवश्यक

के विजय राघवन म्हणाले, “लस घेतली किंवा नाही, मास्क, सोशल डिस्टन्स पाळणे आवश्यक आहे. लोकांनी त्यांचे रक्षण बंद करू नये. लोकांनी त्यांचे रक्षण करणे बंद करू नये. आरोग्य यंत्रणेवरील दबाव कमी करण्यासाठीही हे महत्वाचे आहे. वैयक्तिक आणि समुदाय पातळीवर करोना मार्गदर्शक सूचनांचे पालन करणे आवश्यक आहे.”

“करोनाची तिसरी लाट रोखू शकत नाही. तिसरी लाट कधी येईल हे माहित नाही. मात्र आपल्याला आधीच तयार राहायला हवे. संक्रमण जसजसे वाढत जाईल तसतसे संक्रमित लोकांमध्ये रोगप्रतिकार शक्तीही वाढेल,” असे केंद्र सरकारचे प्रधान वैज्ञानिक सल्लागार म्हणाले.

भारतात आज (शनिवार) करोनाचे नवीन ३,२६,०९८ रुग्ण आढळले. तर ३९८० रुग्णांचा मृत्यू झाला आहे. केंद्रीय आरोग्य मंत्रालयाने ही माहिती दिली आहे. तसेच गेल्या २४ तासांत सक्रिय रुग्णांमध्ये ३१००० ने घट झाली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 15, 2021 4:19 pm

Web Title: vaccinated or not but adherence to the triad is important srk 94
Next Stories
1 MP:भाजपा खासदाराने घरी करोना लस घेतल्याने संताप; विरोधकांकडून टीकेचा भडिमार
2 तौते चक्रीवादळाचा रौद्रवतार! घरं जमीनदोस्त, वादळी पावसाने झाडं उन्मळून पडली
3 मिझोरममधील करोनाबाधित मंत्र्याची रुग्णालयात सेवा; रुग्णालयात लादी साफ करतानाचा फोटो व्हायरल
Just Now!
X