Zakir Naik : “इस्लामवर आरोप करतेयस, आत्ताच्या आत्ता…”, पाकिस्तानी तरुणीच्या प्रश्नावर झाकीर नाईक संतापला

ही तरुणी झाकीर नाइकला म्हणाली, “मी जिथे राहते, त्या भागात पश्तो भाषा बोलली जाते. मी जिथून आले आहे तिथे आजूबाजूला केवळ मुस्लीम समाज आहे. परंतु, त्या भागात महिला कोणत्याही महत्त्वाच्या कामाशिवाय घराबाहेर पडू शकत नाहीत. तिथे दर जुम्म्याच्या दिवशी (शुक्रवारी) तब्लिगी जमातच्या लोकांची वेगवेगळी फर्मानं येतात. अलीकडेच आमच्या येथे मोठा तब्लिगी इज्तिमा झाला. आमच्या भागातील लोक खूप धार्मिक आहेत. असं असलं तरी या भागात मोठ्या प्रमाणात अंमली पदार्थांची तस्करी होते, तरुणांना ड्रग्स घेण्याचं व्यसन लागलं आहे, लहान मुलांचं लैंगिक शोषण केलं जात आहे. खंडणीचे प्रकारही घडत असतात, भरपूर व्याज आकारत सावकारी कर्जे दिली जातात. आपली समाजव्यवस्था ढासळत चालली आहे. लहान मुलांचं लैगिंक शोषणा करणाऱ्यांना उलेमा काहीच बोलत नाहीत, त्यांच्यात बदल घडवून आणत नाहीत, असं का घडतंय? लहान मुलांवर अत्याचार करणाऱ्यांना उलेमा समजावत का नाही?”

हे ही वाचा >> Mohammad Muizzu India Visit : “भारत मालदीवचा सर्वात जवळचा मित्र”, मोहम्मद मुइज्जू यांच्या भेटीनंतर पंतप्रधान मोदींचं विधान

तरुणीच्या प्रश्नावर झाकीर नाईक काय म्हणाला?

तरुणीचा हा प्रश्न ऐकून झाकीर नाईक संतापून म्हणाला, “तू जो प्रश्न विचारला आहेस त्यात खूप विरोधाभास आहे. कोणत्याही इस्लामिक परिसरात, इस्लामिक वातावरणात लहान मुलांचं लैंगिक शोषण होऊ शकत नाही. हे बिलकूल शक्य नाही. त्यामुळे तू माफी मागायला हवीस. तुझा प्रश्नच मुळात चुकीचा आहे. तू चुकीची आहेस. तुला हे स्वीकारावं लागेल. तू इस्लामवर आरोप करत आहेस. तुला माफी मागावी लागेल, आत्ताच्या आत्ता माफी माग.